Sport kurashlari bo'yicha terma jamoamizning rejalari muhokama qilindi

Unda Rustam SHoabdurahmonov boshchiligidagi MOQ mutasaddilari, associaciya bosh kotibi va terma jamoa murabbiyi ishtirok etishdi.

Suhbat davomida kurashchilarimizning o'z vazn toifalarida nafaqat licenziya olish, balki Olimpiadada medal qo'lga kiritish imkoniyatlari, tayyorgarlik doirasida tashkil qilinadigan mahalliy va xorijiy o'quv-mashg'ulot yig'inlari, shuningdek, Xanchjou-2022 Osiyo o'yinlari va Parij-2024 Olimpiya o'yinlariga tayyorgarlik rejalari muhokama qilindi.

“Kuni kecha Mudofaa vazirligi, Milliy gvardiya va kasaba uyushmalarining vakillari bilan mazkur masala yuzasidan gaplashib oldik. Ular ham sportchilarimizni yirik musobaqalarga tayyorlash borasida qanday yordam kerak bo'lsa, xizmatga tayyor ekanliklarini malum qilishdi. Asosiysi, bizni Prezidentimiz qo'llab-quvvatlamoqda. Federaciya va murabbiylar shtabi uchun nima kerak bo'lsa, biz hal qilishda yordam beramiz. Sizlardan buning uchun faqat natija kutamiz”, – dedi MOQ rahbari.

Uchrashuv davomida federaciya mutasaddilariga sportchilar uchun ularning bo'sh vaqtlarida manaviy-marifiy tadbirlar tashkil qilish, hozirda Rossiyada mashg'ulot olib borayotgan kurashchilarimizni mamlakatimizga chaqirib, yoshlar uchun ular ishtirokida mahorat saboqlari o'tkazish bo'yicha topshiriqlar berildi.