Sport kurashlari. Bugun hamyurtlarimiz Olimpiada yo'llanmasi va jahon chempionligi uchun bahs yuritishadi

Ushbu kun doirasida yunon-rim kurashi bo'yicha -67, -87 va -97 kilogramm vazn toifasida saralash bahslari bo'lib o'tadi.

Etiborlisi, ushbu vaznlar Olimpiya o'yinlari dasturiga kiritilgan va unda terma jamaomiz vakillari ham JCH finali va Tokio-2020 yo'llanmasi uchun kurash olib borishadi. Hamyurtlarimiz musobaqani quyidagi raqiblarga qarshi boshlashadi.

-67 kg: Mirzobek Rahmatov – Frenk SHtebler (Germaniya)
-87 kg: Rustam Assakalov – Alvis Ximenes (Panama)
-97 kg: Jahongir Turdiev – Musa Evloev (Rossiya)

SHuningdek, kechki dasturda Aram Vardanyan -72 kg (Olimpiada kiritilmagan) vazn toifasida jahon chempionligi uchun rossiyalik Abuzaid Mancigovga qarshi kurashsa, bronza medali uchun bahsda Nurbek Hoshimbekov (-82 kg)ning raqibi o'tish bellashuvlaridan so'ng malum bo'ladi.

Final:
-72 kg: Aram Vardanyan – Abuzaid Mancigov (Rossiya)

Bronza medali uchun:
-82 kg: Nurbek Hoshimbekov – kun davomida aniqlanadi

P/S. Yunon-rum kurashida olimpiya vaznida aynan bugun bellashuvlar start oladi. Kecha o'tkazilgan va bugun finallar o'tkaziladigan bahslar yunon-rum kurashida noolimpiya vazni hisoblanadi.