Sport kurashlari. Bugun jahon chempionatida gilamga chiqqan barcha kurashchilarimiz imkoniyatni boy berdi, Layloxon Sobirovada esa licenziya uchun imkoniyat saqlanib qoldi

Avval xabar berganimizdek, bugungi kun doirasida O'zbekiston terma jamoasining to'rt nafar azosi gilamga chiqdi. Afsuski, Layloxon Sobirovadan bo'lak, barcha sportchilarimiz Parij-2024 yozgi Olimpiadasi yo'llanmasini qo'lga kirita olmadi. Sobirova esa o'tish bosqichi orqali yo'llanma olish huquqini saqlab qoldi.

Dastlab, -97 kg vazn toifasida Magomed Ibragimov bronza medali yo'lida o'tish bosqichida Kayl Snayderga mag'lub bo'ldi.

Keyinroq, Jasmina Immaeva (-50 kg) kvalifikacion raundda rossiyalik Polina Lukina oldida ojiz qoldi. -76 kg vazn toifasida terma jamoamiz azosi Svetlana Oqnazarova ham ilk raunddayoq ukrainalik Anastasiya Alpeevaga mag'lub bo'ldi.

Layloxon Sobirova esa 1/16 final bosqichida qozog'istonlik Aynur Ashimovadan ustun keldi. Nimchorak finalda esa hamyurtimiz moldovalik Anastasiya Nichitaga mag'lubiyatga uchradi. Ammo, Nichita finalga qadar etib borgani uchun Layloxon o'tish bosqichida ishtirok etish huquqini qo'lga kiritdi. Endilikda kurashchimiz ertaga ilk o'tish bahsida bolgariyalik Evelina Georgieva bilan jang qiladi.

Malumot o'rnida, ushbu jahon chempionatida mag'lub bo'lgan kurashchilarimiz endi Qirg'iziston va Turkiyada o'tkaziladigan turnirlar orqali licenziyaga ega chiqishi mumkin.