Sport kurashlari. Bugun o'smirlar o'rtasidagi jahon chempionati yakunlanadi

Bugun ushbu nufuzli musobaqa nihoyasiga etadi. Bellashuvlarning so'ngi kunida ham o'zbekistonlik sportchilarda sovrinli o'rinlar qo'lga kiritish imkoniyati saqlanib qolgan.

Xabar berib o'tganimizdek, yunon-rum kurashi bahslarida -51 kg vazn toifasida bahslarda qatnashayotgan Lazizxon O'zbekov musobaqa davomida Ozarbayjon, Litva, Armaniston kurashchilarini mag'lub etdi va finalga yo'l oldi. Bugun u oltin medal uchun hindistonlik Laysharam Meyteyga qarshi gilamga chiqadi.

SHuningdek, Husan Yunusxonov (-45kg)da ham bronza medali uchun imkoniyat saqlanib qolgan. Buning uchun u avvaliga eronlik Amirrizo Dehbozorgini, keyin esa bolgariyalik Edmond Nazaryanni mag'lub etishi lozim bo'ladi.

Eslatib o'tamiz, ushbu jahon chempionatida erkin kurash bo'yicha Jamshid Marufov oltin, SHahboz Komilov medalini qo'lga kiritgandi. Yunon-rum kurashida esa sportchilarimizdan Abror Atabaev oltin, Amir Sultonov bronza medaliga sazovor bo'lgan.