20 iyu 10:36
Yangiliklar

Sport kurashlari, Kurash

Sport kurashlari. O'zbekiston chempionlaridan master-klass

O'zbekiston Milliy olimpiya qo'mitasi turli sport federaciyalari bilan birgalikda aholini sportga qiziqtirish, ommalashtirish va yanada rivojlantirish yo'lida turli tadbirlarni tashkil etib kelmoqda.

Ana shunday tadbirlarning navbatdagisi O'zbekiston sport kurashlari associaciyasi bilan hamkorlikda tashkil qilindi. Surxondaryo viloyati Jarqo'rg'on tumanidagi 5-sonli «Qaldirg'och» maktabgacha talim muassasasida o'tkazilgan tadbirda sport kurashlari bo'yicha Osiyo chempionati va xalqaro musobaqalar sovrindorlari, O'zbekiston chempionlari ishtirok etishdi.

Ular bolajonlarga o'z mahoratlarini namoyish etish bilan birgalikda, jajji sportchilarning qiziqtirgan savollariga javob berishdi. Milliy olimpiya qo'mitasi yoshlarni sportga qiziqtirishni eng quyi bo'g'indan boshlagan. Aynan, mana shunday tadbirlar orqali yosh avlodda sportga bo'lgan qiziqish uyg'onishi shubhasiz.