Sport kurashlari. O'zbekiston terma jamoasi Jahon chempionatidagi ilk medalini qo'lga kiritdi

Bugun O'zbekiston terma jamoasining besh nafar vakili gilamga chiqdi. Quvonarlisi, bugungi kun doirasida 55 kg vazn toifasidagi yunon-rum kurashchimiz Jasurbek Ortiqboev bronza medali uchun bahsda moldovalik Artyom Delenauni 6:1 hisobida mag'lubiyatga uchratib, jahon chempionatining bronza medali sohibiga aylandi.

Takidlash joiz, Jasurbek bu natija orqali ketma-ket ikkinchi bor jahon chempionatining bronzme medaliga ega chiqdi.

Yana bir kurashchimiz Aram Vardanyan esa ilk o'tish bosqichida misrlik Muhammad Zahab Halilni mag'lub etgan bo'lsa, bronza medali uchun kechgan bahsda yaponiyalik Nao Kusakaga imkoniyatni boy berib qo'ydi. U birozdan so'ng Parij-2024 Olimpiadasi licenziyasi uchun saralash bahsida ishtirok etadi. 

Hamyurtlarimizning bugungi natijalari bilan tanishing:

60 kg: Islomjon Bahromov chorak finalda qirg'izistonlik Jolaman SHarshenbekovga mag'lub bo'ldi va o'tish bosqichiga yo'l oldi

72 kg: Jamol Jumaboev nimchorak finalda vengriyalik Robert Frichga mag'lub bo'ldi, raqibi finalga yo'l olgani tufayli Jumaboev o'tish bosqichida gilamga chiqadi

97 kg: Rustam Assakalov nimchorak finalda kubalik Gabriel Rossiloga imkoniyatni boy berdi, raqibi finalga chiqgani tufayli Assakalov ertaga o'tish bosqichida ishtirok etadi

O'tish bosqichida gilamga chiqgan kurashchilarimiz:

55 kg: Jasurbek Ortiqboev bronza medali uchun kechgan bahsda moldovalik Artyom Delenauni 6:1 hisobida mag'lubiyatga uchratib, jahon chempionatining bronza medali sohibiga aylandi.

77 kg: Aram Vardanyan bronza medali uchun kechgan bahsda yaponiyalik Nao Kusakaga imkoniyatni boy berib qo'ydi.