19 iyu 16:40
Yangiliklar
Sport kurashlari, Kurash
Sport kurashlari. O'zbekiston terma jamoasi Osiyo chempionatida muvaffaqiyatli ishtirok etdi
15-18 iyun kunlari Xitoy Taypeyi mamlakatida erkin, yunon-rum va ayollar kurashi bo'yicha yoshlar o'rtasida Osiyo chempionati bo'lib o'tdi.
Unda O'zbekiston terma
jamoasi ham to'lik tarkibda ishtirok etdi. Sportchilarimiz qita
chempionatida jami 15 ta medalga sazovor bo'lishdi. Ularning 3 tasi oltin, 3
tasi kumush va 9 tasi bronza medallaridir.
Erkin kurash bo'yicha
terma jamoamiz azolaridan Jahongirmirzo Turobov (-55 kg.) va Hasan
Rahimov (-120 kg) musobaqada barcha raqiblarini mag'lubiyatga uchratib Osiyo
chempionligini tantana qilgan bo'lishsa, Isa SHapiev (-74 kg.) hal qiluvchi
bellashuvda imkoniyatni boy berib, kumush medali bilan cheklandi. Rustambek
Jo'raev (-50kg.), Abbos Rahmonov (-60 kg.) Javrail SHapiev (-84kg.) va
Ibrohim Ilhomjonov (-96kg.) bronza medallariga sazovor bo'lishdi. Natijada
erkin kurash bo'yicha terma jamoamiz umumjamoa hisobida Osiyo chempionatini
Eron termasidan so'ng faxrli 2-o'rinda yakunladi. Uchinchi o'rindan esa qozog'istonlik polvonlar joy olishdi.
Yunon-rum
kurashi bo'yicha o'tkazilgan bellashuvlarda ham mamlakatimiz sportchilari
muvaffaqiyatli ishtirok etishdi va 4 ta medalga ega chiqishdi. -96 kg. vazn
toifasida gilamga chiqqan Temur Mirzo Mamajonov barcha raqiblari kuragini
erga tekkazib oltin medalni qo'lga kiritgan bo'lsa, Jalgasbay Berdimuratov
(-74 kg.) kumush medaliga sazovor bo'ldi. Jasurbek Ortiqboev (-50 kg.) va
Mahmud Baxshilloev (-66 kg.) esa bronza medaliga loyiq ko'rilishdi. Yakunda
klassik uslubdagi polvonlarimiz umumjamoa hisobida Eron, Qozog'iston va
Hindiston terma jamoalaridan so'ng 4-o'rinni egallashdi.
Va
nihoyat ayollar kurashi bo'yicha terma jamoamiz azolari delegaciyamiz
hisobiga 1 ta kumush va 3 ta bronza medallarini qo'shib qo'yishdi. Baxtigul
Baltaniyazova (-67 kg.) faqatgina final bahsida raqibasiga imkoniyatni boy
berib kumush medal bilan kifoyalandi. Aktenge Keunimjaeva (-48 kg.),
Nodira Sobirova (-51kg.) va Xadicha Najimova (-59kg.)lar musobaqani kuchli
uchlikda yakunlab, bronza medallariga sazovor bo'lishdi. Yunon rum va ayollar
kurashi bo'yicha terma jamoamiz azolari poytaxtimizga kecha qaytib
kelishdi. Erkin kurashchilarimiz esa ertaga, 20 iyun kuni Toshkentga etib
kelishadi.
Havola :
Manba : olympic.uz
Fikrlar