Sport kurashlari va dzyudo bo'yicha terma jamoalarimiz Yaponiyaga jo'nab ketmoqda

Ushbu dastur asosida bir qator terma jamoalarimiz kunchiqar yurtda o'quv-mashg'ulot yig'inlarini olib borishgan edi. Mazkur do'stona aloqalar bu yil ham davom etmoqda. Sport kurashlari va dzyudo sport turlari bo'yicha terma jamoalarimiz 15 avgust kuni o'quv-mashg'ulot yig'inlarini olib borish uchun Yaponiyaning Maydzuru shahriga jo'nab ketishadi. Bugun Maydzuru shahrining meri Ryoze Tatami boshchiligidagi delegaciya Milliy olimpiya qo'mitasiga tashrif buyurdi. Mehmonlarni MOQ prezidenti Rustam SHoabdurahmonov kutib oldi. 

“Ikki mamlakat sportida davom ettirilayotgan bunday hamkorlik uchun tashakkur aytaman. Darhaqiqat, Yaponiya sportning yakkakurash turlarida, ayniqsa, dzyudo, sport kurashlarida jahonning etakchi terma jamoalaridan sanaladi. Maydzuruda tashkil etiladigan yig'in sportchilarimiz uchun juda ham foydali. Yana bir necha kundan so'ng Tokioda dzyudo bo'yicha jahon chempionati start oladi. SHu bois yig'in dzyudochilarimiz uchun tayyorgarlikning so'nggi bosqichi bo'lib xizmat qiladi. SHuningdek, ushbu yig'inni Tokio Olimpiadasiga tayyorgarlik bosqichlaridan biri, desak ham mubolag'a bo'lmaydi”, – dedi Rustam SHoabdurahmonov.

O'z navbatida Ryoze Tatami ham mazkur hamkorlik va yig'in bo'yicha o'z fikrlarini bildirib o'tdi.

“Maydzuru shahri ham bunday hamkorlikni qo'llab-quvvatlaydi. Tuzilgan memorandum asosida olib borilayotgan mazkur tadbirlar terma jamoalarimiz uchun juda ham foydali. Bu borada avval ham hamkorlik ishlari olib borilgan bo'lib, ularning barchasi ijobiy taassurot qoldirgan. Maydzuru shahrida o'zbekistonlik sportchilar o'zlarini uylaridagidek his qilishlari uchun barcha sharoitlarni yaratib berishga tayyormiz”, – dedi Ryoze Tatami.

Suhbat davomida Rustam SHoabdurahmonovga O'zbekiston sport kurashlari associaciyasi vice-prezidenti Axrol Ro'ziev hamda MOQ vice-prezidenti, O'zbekiston dzyudo federaciyasi rahbari Azizjon Kamilov hamrohlik qildi. Uchrashuv yakuniga etganidan keyin mehmonlar MOQ qoshidagi Respublika sport tibbiyoti ilmiy-amaliy markaziga tashrif buyurib, u erda sportchilar uchun yaratilgan shart-sharoitlar bilan yaqindan tanishishdi.

Maydzuru shahrida o'tadigan 1 haftalik yig'inga dzyudo sportida asosiy tarkib, sport kurashlari bo'yicha esa o'smirlar va yoshlar terma jamoamiz vakillari jalb etilgan.