Sport maktabalari ommaviylik va barkamollikka xizmat qiladi

Bu borada yurtimizda faoliyat yuritayotgan sport maktablarining murabbiylariga yana ham katta masuliyat yuklanadi. 

Xususan, bugun biz so'z yuritmoqchi bo'lganimiz - Toshkent viloyati Sportni rivojlantirish bosh boshqarmasi tasarrufidagi CHirchiq shahar sport maktabida ham 2301 nafar o'g'il-qizlar dzyudo, boks, yunon-rum kurashi, qilichbozlik, basketbol, voleybol, futbol, badiiy va sport gimnastikasi, taekvondo, velosport (MTB), stol tennisi, og'ir atletika, engil atletika, qoyani zabt etish, velosport (shosse), turon yakka kurashi, kurash, belbog'li kurash, shaxmat, sambo, bel olish va uch kurash, karate (VKF), para qilichbozlik va para shaxmat sport turlari bo'yicha 81 nafar malakali trenerlar qo'l ostida muntazam mashg'ulotlarga kirishgan.

Mashg'ulotlarga zo'r berayotgan sportchi-o'quvchilarning musobaqalardagi natijalarini ham etirofga sazovor deyish mumkin. Miravoz Mirsadikov, Munir Aytmatov, Laylo Davletyarova (engil atletika), Saidbek Jeenbaev (qilichbozlik), SHahzoda SHermuhammedova (shaxmat), Akmal Jumaniyozov (qoyani zabt etish), Iqbol Isaev (belbog'li kurash), Abdurauf Yakubov (yunon-rum kurashi), Abdulaziz Ochilov (turon yakka kurashi), Xurshid Nurboev (boks), Abdulla Abduqayumov (karate VKF) singari trenerlar qo'l ostida shug'ullanib kelayotgan o'g'il-qizlar respublika va xalqaro musobaqalarda yorqin g'alabalarga ega chiqayotgani bor gap.

Ko'pchilik sport mutaxassislariga yaxshi malum, CHirchiq sport maktabi tarbiyalanuvchilari avvaldan viloyat va respublika musobaqalarida hamisha kuchli uchtalikda qayd etiladi. Bu ananani davom ettirish uchun sport maktabi rahbariyati va trenerlari bor bilim va tajribalarini ishga solishyapti.

SHuningdek, sport maktabi direktori Suhrob Sultonov boshchiligida ustoz-murabbiylar CHirchiq shahrining barcha mahallalari kesimida “Besh tashabbus” olimpiadasi doirasidagi ommaviy sport musobaqalarini yuqori saviyada o'tishida ham ko'makchi bo'lishmoqda.

Sport maktabi tarbiyalanuvchilarining o'zlari tanlagan sport turiga qiziqishini oshirish, sportda yuqori cho'qqilarni zabt etishda mustahkam irodani shakllantirish maqsadida nomdor sportchilar ishtirokida mahorat darslarini o'tkazish odat tusini olgan.

Jumladan, yaqinda yosh taekvondochilar uchun xalqaro toifadagi sport ustasi, ko'p karra xalqaro musobaqalar g'olibi, “Tokio-2020” ishtirokchisi, “Konya-2021” Islom birdamligi o'yinlari oltin medali sohibasi Svetlana Osipova mahorat darslarini o'tkazdi.

Professional sportchilarning bu kabi mahorat saboqlarini sport maktabi bilan hamkorlikda amalga oshirishi ananaga aylangan.

Bir so'z bilan aytganda, mamlakatimizdagi barcha sport talim muassasalaridagi kabi CHirchiq sport maktabining sportchi o'g'il-qizlari ham bugun munosib shart-sharoitlardan oqilona foydalinib, ustozlari etagidan mahkam tutib, o'z salomatliklarini yanada mustahkamlash va mahoratlarini oshirib, chempionlik sari qadam tashlayotgani ayni haqiqat.  

Ilhom RAHMONOV tayyorladi