Sport maktabida yil yakunlari sarhisob qilindi + FOTO

SHunga qaramay, tizim vakillari karantin talablariga rioya etib, masuliyatni qalban his qilgan holda mehnat qilishdi. Bazan sportchilarning shug'ullanishlari onlayn tarzida olib borildi. Tegishli cheklovlar bekor qilingach, mashg'ulotlar va musobaqalar o'tkazish yana yo'lga qo'yildi. Sportga oshufta hamyurtlarimiz  sport maydonlariga qaytib, bellashuvlarni boshlab yuborishdi.

Jumladan, Xorazm viloyati jismoniy tarbiya va sport boshqarmasi tasarrufidagi Sport o'yinlari va engil atletikaga ixtisoslashtirilgan bolalar-o'smirlar sport maktabi (SO'EAIBO'SM) tarbiyalanuvchilari nafaqat viloyat miqyosidagi musobaqalarda, respublika chempionati va birinchiliklarida ham munosib ishtirok etib, g'olib va sovrindorlar safidan joy egalladilar.      

CHunonchi, sport maktabining engil atletikachilari, badminton va stol tennisi ustalari mamlakatimizda etakchilardan ekanliklarini isbotlashdi. SHuningdek, mahorat maskani sportchilari chim ustida xokkey, basketbol, futbol, voleybol, gandbol bo'yicha Xorazm viloyatining turli yoshdagi terma jamoalari safida maydonga chiqib, sovrinli o'rinlarni qo'lga kiritishdi.

Ko'pchiligi O'zbekiston yoshlar va o'smirlar terma jamoalari sharafini himoya qilishdi. Qolaversa, boshqa sport turlari bo'yicha ham etiborga molik natijalar qayd etildi. Viloyatda sport turlarini rivoji yo'lida olib borilayotgan izchil say-harakatlarga minnatdorlik ramzi sifatida O'zbekiston stol tennisi, engil atletika, gandbol va boshqa federaciyalar SO'EAIBO'SM rahbariyatiga faxriy yorliq va tashakurnoma yo'llayotgani so'zimiz tasdig'i sanaladi.

Mazkur dargohda yangi yil bayrami arafasida yil yakunlariga bag'ishlab yig'ilish o'tkazish ananaga aylangan. Tadbir chog'ida yuqori ko'rsatkichga erishgan trener va ishchi-xodimlarni rag'batlantirish yo'lga qo'yilgan. Joriy yil ham bundan mustasno bo'lmadi, albatta.

Bu yilgi tadbirda Xorazm viloyati jismoniy tarbiya va sport boshqarmasi boshlig'i Nodira Jumaniyazova qatnashib, sport maktabi jamoasini yangi yil bilan muborakbod etdi.

SO'EAIBO'SM jamoasiga 2021 yilda yanada yuksak natijalar qayd etishlariga ishonch bildirib, viloyatda jismoniy tarbiya va ommaviy sportning rivoji yo'lida qo'shayotgan munosib hissasi va yuqori natijalari uchun sport maktabi direktori Jamoladdin Abdullaev, direktor o'rinbosari Azamat Ardjanov, metodistlar Vali Sultonov, Amirbek Matquliev, Anvar Alimov, Murodbek Bekchanov, trenerlar Alisher Erimov (badminton), Temur Ollaberganov (basketbol), Dilrabo Rahimova (voleybol), Mansur Bobojonov (gandbol), Alibek Ahmedov (engil atletika), SHodiyor Ataev (stol tennisi), Odilbek Davletov (tennis), Alisher Ro'zmetov (futbol), Izzat Bozorbaev (chim ustida xokkey), Yusufboy Sodiqov (shaxmat) hamda bosh hisobchi Sevara Allaberganova,   shifokor Intizor Safarovalarni boshqarma tomonidan taqdirladi.

Mubolag'a emas, o'tkazilayotgan bunday tadbirlar sport maktabi jamoasi va sportchilarini ulkan marralar sari etaklashi tabiiy. Zero, rag'bat bu faollikga etaklovchi manaviy omildir.

Ikrom XUDOYBERGANOV, Urganch shahridan