Sportchi qizlar Zulfiya nomidagi Davlat mukofoti bilan taqdirlandi

O'zbekiston Respublikasi Prezidenti SHavkat Mirziyoev mamlakatimizda mo'tabar ayol zotini ulug'lash, xotin-qizlarning jamiyatdagi o'rni va nufuzini oshirish, orzu-intilishlarini qo'llab-quvvatlash, o'zining iqtidori va ibratli faoliyati bilan yoshlarga o'rnak bo'lib kelayotgan, turli soha va tarmoqlarda qobiliyat va imkoniyatlarini ro'yobga chiqarayotgan, ijtimoiy hayotda faollik va tashabbuskorlik ko'rsatayotgan qizlarni munosib rag'batlantirish maqsadida maxsus farmonni imzoladi.

Farmonga muvofiq bir guruh qizlar Zulfiya nomidagi Davlat mukofoti bilan taqdirlandi. Unga ko'ra, sport sohasida bir qator yutuqlarni qo'lga kiritgan qizlarimiz ham ushbu mukofotga loyiq ko'rildi:

Saparova Sitora SHaydullo qizi - Navoiy viloyati Xatirchi tumanidagi 5-umumiy o'rta talim maktabining 11-sinf o'quvchisi;

Azimova Dilafro'z Alamxon qizi - Toshkent davlat iqtisodiyot universitetining 4-bosqich talabasi (Namangan viloyati);

Usmanova Nurinisso Olimovna - Samarqand davlat universitetining 1-bosqich talabasi;

Tog'aymurodova SHaxnoza SHuxrat qizi - Toshkent shahri Sergeli tumanidagi 300-ixtisoslashtirilgan umumiy o'rta talim maktabining 11-sinf o'quvchisi.

Mamlakatimizda aziz va mo'tabar ayol zotiga munosib ehtirom ko'rsatish, opa-singillarimizning davlat va jamiyat hayotida tutgan o'rni va nufuzini oshirish borasida hukumatimiz tomonidan etirofga arzigulik ishlar amalga oshirilayapti.

Ishonamizki, yurtimizning iqtisodiy qudrati va jahon miqyosidagi mavqeini yuksaltirish borasida xotin-qizlarimiz bundan keyin ham o'z xizmatlari bilan ulkan hissa qo'shishadi.