Sportimiz mutasaddilari paraatletlarimizga oq yo'l tilashdi

O'zbekiston delegaciyasi musobaqaga jo'nab ketishi oldidan Osiyo Olimpiya kengashi vice-prezidenti Otabek Umarov, Yoshlar siyosati va sport vaziri o'rinbosarlari - SH.Mahmudov va M.Ismoilov, O'zbekiston Milliy Olimpiya qo'mitasi Bosh kotibi O.Kasimov, qo'mita raisi o'rinbosarlari – A.Kamilov hamda SH.Tashmatovlar Milliy paralimpiya qo'mitasiga tashrif buyurishdi. 

Ularni Osiyo Paralimpiya qo'mitasi vice-prezidenti – O'zbekiston Milliy paralimpiya qo'mitasi raisi M.Tashxodjaev qarshi oldi. Tantanali kuzatish tadbiri oldidan O'zbekiston delegaciyasining ushbu kompleks musobaqaga ko'rgan tayyorgarligi, kutilayotgan natijalarga bag'ishlangan taqdimot bo'lib o'tdi.

Unda har bir yo'nalishda kutilayotgan natijalar, hamyurtlarimizning tayyorgarligi bo'yicha batafsil malumot berildi.

Para Osiyo o'yinlarida ishtirok etadigan O'zbekiston delegaciyasi bugun Xanchjouga etib bordi. Bu galgi musobaqada delegaciyamiz 11 sport turida 108 nafar paraatlet bilan ishtirok etadi.