Sportimiz yulduzlari - Diyorbek O'rozboev

CHunki hozir biz sizlarni O'zbekistonning eng yaxshi sportchilaridan biri – dzyudochimiz Diyorbek O'rozboev bilan tanishtiramiz.

Diyorbek 1993 yil 17 avgust kuni Xorazm viloyatida tavallud topgan. Qahramonimizning bolaligidan sportga bo'lgan qiziqishi yuqori edi. O'rozboev yoshligidanoq qator xalqaro musobaqalarda o'z muvaffaqiyati bilan omma etiborini torta boshladi. Jumladan, Germaniya va Evropa ochiq kuboklarida uchinchi o'rinni, Beyrutda yoshlar o'rtasidagi Osiyo chempionatida esa oltin medalni qo'lga kiritdi. Diyorbek 19 yoshida Abu-Dabi Gran-prisi va Tokio Katta dubulg'a turnirlarida ham muvaffaqiyatli qatnashdi.

Polvonimizning faoliyatidagi keskin yuksalish 2016 yil Tbilisi Gran-prisida g'alaba qozonganidan boshlandi. SHundan so'ng Diyorbek ketma-ket Samsun va Olma-ota Gran-prilari, Osiyo chempionati, Boku Katta dubulg'a turnirlari va asosiysi Braziliyaning Rio-de-Janeyro shahrida o'tkazilgan yozgi Olimpiya o'yinlarining -60 kilogramm vazn toifasi sovrindoriga aylandi. Rio-2016 Olimpiadasining bronza medali sohibi 2017 yil Budapeshtda o'tgan jahon chempionatida ham uchinchi o'rinni qo'lga kiritdi. 2018 yil Indoneziyada o'tgan Osiyo o'yinlarida esa -60 kilogramm vazn toifasida qitada tengsiz ekanligini isbotladi. Etiborlisi, bu so'nggi 2 Osiyo o'yinlarida dzyudochilarimiz hisobidagi yagona oltin medal bo'lib turibdi.

O'zbekiston Milliy olimpiya qo'mitasi Diyorbek O'rozboevning yurtimiz shon-shuhratini dunyoga tanitish yo'lida ko'rsatayotgan xizmatlari uchun minnatdorchilik bildirib, uning kelgusi faoliyatida ulkan g'alabalar, sihat-salomatlik tilab qoladi.