Sportning texnik va amaliy turlari yanada ommalashadi

O'zbekiston mudofaasiga ko'maklashuvchi “Vatanparvar” tashkiloti markaziy kengashi tomonidan tashkil etilgan tadbirda mamlakatimizda chaqiriluvchilarni harbiy-texnik mutaxassisliklar bo'yicha tayyorlash, ularni manan etuk va jismonan sog'lom qilib kamol toptirish sohasidagi ishlarga alohida etibor qaratilayotgani takidlandi.

“Vatanparvar” tashkiloti markaziy kengashi raisi o'rinbosari Majid Umarov Prezidentimizning 2018 yil 12 dekabrdagi “Yoshlarni vatanparvarlik ruhida va jismoniy tarbiyalash hamda chaqiriluvchilarni harbiy-texnik mutaxassisliklar bo'yicha tayyorlash tartibini takomillashtirish bo'yicha qo'shimcha chora-tadbirlar to'g'risida”gi qarori ijrosini taminlash borasida hamkor tashkilotlar bilan birga ishlab chiqilgan media-reja yuzasidan malumot berdi.

Mazkur hujjat 36 banddan iborat bo'lib, sportning texnik va amaliy turlarini keng jamoatchilik, ayniqsa, yoshlar o'rtasida targ'ib qilish, sog'lom turmush tarzini ommalashtirishga xizmat qiladi. Tashkilotning hududiy kengashlari yil davomida “Biz vatanparvarlarmiz” shiori bilan sport musobaqalarini tizimli ravishda tashkil qilish, ko'rgazmali tadbirlarda yoshlar faolligini oshirishni rejalashtirgan.

Mutaxassislar “Vatanparvar” tashkiloti tomonidan hududlarda sportning texnik va amaliy turlariga kiruvchi karting, avtokross, avtoralli, motokross, triatlon, duatlon, harbiy amaliy kurash, yozgi biatlon, o'q otish, aviamodel, raketamodel kabi sport turlari bo'yicha musobaqalar o'tkazish, sportchilarning Osiyo va jahon chempionatlarida ishtirokini taminlash masalalariga etibor qaratdi.