Stiven Sigal Toshkentga tashrif buyurdi

Xabaringiz bor 9 sentyabr kuni muhtasham "Bunyodkor" stadionida "Asian fight 2017" musobaqasi bo'lib o'tadi. Unda 9 nafar yurtdoshlarimiz vatanimiz sharafini himoya qilishadi. Ushbu musobaqaga Gollivudning taniqli kinoaktyorlaridan biri Aykido sport turi bo'yicha 7 dan qora belboq sohibi Stiven Sigal fahriy mehmon sifatida taklif etilgan. Bugun tungi soat 03:15da Toshkent xalqaro aeroportida  Jahon kinosi yulduzi va sharq yakkakurashlarining mohir ustasi hisoblangan Stiven Sigal Toshkentga tashrif buyurdi. 

Soat 10:30da  Madaniya va Sanat institutida, 14:30da Zangiota tumanidagi "BABOS" ot sportida Stiven Sigal tadbirga kelganlarga master klass namoyish etadi. SHundan so'ng soat 18:00da Sayilgoh ko'chasida bo'lib o'tadigan yirik tadbir mehmoni bo'ladi. Ushbu tadbirlarni yoritish uchun barcha OAV xodimlari tashrif buyurishlari mumkin. Tadbirga tashrif buyurgan jurnalistlar "Asian fight 2017" musobaqasida ishlash uchun akkreditaciya kartochkalarini olib ketishlari mumkin.

Stiven Sigalning kutib olish marosimidan olingan suratlarni ushbu sahifa orqali tomosha qilishingiz mumkin.