Sultonov o'zidan 627 pog'ona yuqoridagi raqibga qarshi kortga chiqdi

Hamyurtimiz Humoyun Sultonov saralashning har ikki uchrashuvida ATP reytingida o'zidan sezilarli darajada yuqorida borayotgan raqiblarini mag'lubiyatga uchratib, asosiy to'rga yo'llanma olgandi. U 1/16 finalda asosiy to'rga imtiyozli ravishda qo'yilgan xitoylik Aoran Vangni 6/3, 7/6(4) hisobida ustun keldi. 

Afsuski, mamlakatimizning ikkinchi raketkasi bugun 1/8 finalda xitoylik Sun Fajingga 4/6, 2/6 hisobida imkoniyatni boy berib qo'ydi. CHin yurti vakili turnirda uchinchi raqam ostida tasniflangan edi. Bu tennischilarning o'zaro o'tkazgan ilk uchrashuvi bo'ldi. Fajin 5, Humoyun 4 ta eys zarbasini amalga oshirdi. Qo'shxatolar ikkala tennischida ham bittadan bo'ldi.  

Taqqoslash uchun, Sultonov ATP reytingida 871, Fajing 244-o'rinni egallab turibdi.