Suv polosi. Osiyo chempionatining tantanali ochilish marosimi bo'lib o'tdi FOTO

Musobaqaning o'g'il bolalar o'rtasidagi bahslarida 6 ta, qizlar o'rtasidagi bellashuvlarda esa 4 ta jamoa sovrinli o'rinlar uchun kurash olib bormoqda.

Kecha poytaxtimizdagi «Suv sporti saroyi»da ushbu musobaqaning tantanali ochilish marosimi o'tazildi. Tadbirda Xalqaro suzish federaciyasi (FINA) Prezidenti Xulio Sezar Maglione, Osiyo suzish federaciyasi Bosh kotibi Taxa Sulaymon Al-Kishri, O'zbekiston Milliy olimpiya qo'mitasi, Jismoniy tarbiya va sport vazirligi, O'zbekiston suzish federaciyasi mutasaddilari ishtirok etishdi.

Tadbirda so'zga chiqqanlar musobaqaning ahamiyati haqida gapirishdi, qatnashchilarini tabriklab, barchaga omad tilashdi. Marosim davomida MOQ Bosh kotibi Jasur Matchanov ham ishtirok etdi va poytaxtimiz ushbu musobaqani yuqori saviyada o'tkaza olishini aytib o'tdi.

«Barchangizni poytaxtimiz Toshkent shahrida ko'rib turganimizdan xursandmiz. Start olgan musobaqa davomida qitamizning etakchi jamoalari sovrinli o'rinlar uchun kurash olib boradilar. CHempionatning ahamiyatli tomoni shundaki, o'g'il bolalar o'rtasidagi bahslarda muvaffaqiyatli qatnashgan 3 ta, qizlar o'rtasidagi bellashuvlarda esa 2 ta jamoa 2019 yilgi jahon chempionatida ishtirok etish huquqini qo'lga kiritadi. Biz ana shunday musobaqani tashkil qilish aynan O'zbekistonga ishonib topshirilganidan xursandmiz.

O'zbekiston so'nggi yillarda nafaqat qita, balki jahon miqyosidagi bir qator musobaqalarni ham yuqori saviyada o'tkaza oldi. SHuni ishonch bilan aytishim mumkinki, biz suv polosi bo'yicha Osiyo chempionatini ham eng yuqori saviyada tashkil eta olamiz», – dedi Jasur Matchanov.

SHundan so'ng o'g'il bolalar o'rtasida O'zbekiston hamda Janubiy Koreya terma jamoalari o'yiniga start berildi.

Eslatib o'tamiz, bugun Milliy olimpiya qo'mitasida Jasur Matchanov FINA rahbari Sezar Maglione bilan uchrashuv o'tkazib, O'zbekistonda suv sporti turlarini rivojlantirish masalalarini muhokama qilgandi.