Taekvondo. Hamyurtimiz jahon chempionatining eng yaxshi sportchisi bo'ldi!

Musobaqa yakunida Jahon chempionatida umumjamoa hisobida kuchli beshlikdan o'rin olgan terma jamoalarning har biriga maxsus kubok topshirildi. Yani eng kuchli beshta erkaklar va eng kuchli beshta ayollar terma jamoasi kubok bilan taqdirlandi. 

Bundan tashqari 8ta yo'nalishda shaxsiy sovrinlar topshirildi. Quvonarlisi o'zbekistonlik Zafarbek Karimov musobaqaning eng yaxshi erkak taekvondochisi deb topildi. SHunday qilib tarixda ilk bor o'zbekistonlik sportchi kadetlar o'rtasidagi Jahon chempionatining eng yaxshi taekvondochisi  deb topildi. Hamyurtimiz -41 kg vazn toifasida oltin medalni qo'lga kiritgan edi. 

Barcha sovrindorlar bilan tanishing:  

- faol ishtirok uchun sovrin - Avstraliya terma jamoasi

- eng jangovar ruhiyat uchun sovrin - Marokash terma jamoasi

- eng yaxshi erkak sportchi - Zafarbek Karimov (O'zbekiston)

- eng yaxshi ayol sportchi - Sanaz Abbospur Fazlabad (Eron) 

- eng yaxshi erkak hakam - Denis Kim (Rossiya)

- eng yaxshi ayol hakam - Kseniya Levai (Serbiya)

- eng yaxshi erkak murabbiy - Sergey Kostanenko (Rossiya)

- eng yaxshi ayol murabbiy - Azam Durusfi (Eron)

Erkaklar

1-o'rin - Rossiya

 2-o'rin - Eron

 3-o'rin - Ukraina

 4-o'rin - Tailand

 5-o'rin - Xitoy Taypei

Ayollar

1-o'rin - Eron

 2-o'rin - Tailand

 3-o'rin - Janubiy Koreya

 4-o'rin - Turkiya

 5-o'rin - AQSH

O'zbekiston taekvondo WTF Associaciyasi matbuot xizmati