09 avg 17:27
Yangiliklar
Taekvondo
Taekvondo. Zafarbek Karimov O'zbekiston uchun tarixiy bo'lgan oltin medalni taqdim etdi
Poytaxtimizda takevondo bo'yicha kadetlar o'rtasida jahon chempionati qizg'in davom etmoqda.
Biroz avval, musobaqada -41 kg vazn toifasida yurtimiz sharafini himoya qilayotgan Zafarbek Karimov finalda eronlik Amirhussayin Navro'ziga qarshi dayanga chiqdi.
Qizg'in davom etgan jang yakuniga ko'ra, Zafarbek 34:14 hisobida g'alaba qozondi va oltin medal sohibiga aylandi.
U musobaqa davomida Ozarbayjon, Kanada, Xitoy Taypeyi vakillarini mag'lubiyatga uchratdi. Qayd etish lozimki, Zafarbekning ushbu muvaffaqiyati o'zbek taekvondosi uchun tarixiy hisoblanadi. Bungacha kadetlar o'rtasidagi jahon chempionatlarida o'zbek taekvondochilari oltin medal qo'lga kiritishmagandi.
Eslatib o'tamiz, kecha musobaqa doirasida Muhammadamin Aliev bronza medaliga sazovor bo'lgandi.
Havola :
Manba : olamsport.com
Fikrlar