Tatil tugadi, oldinda masuliyatli mavsum. Dzyudochilarimiz ilk xorij yig'iniga yo'l olishdi

Bosh murabbiyi Andrey SHturbabin boshchiligidagi terma jamoamiz ilk xorij yig'inini o'tkazish maqsadida Avstriyaga jo'nab ketdi. Dzyudochilarimiz 5-12 yanvar kunlari Mitterzill shahrida o'tkaziladigan xalqaro o'quv-mashg'ulot yig'inida ishtirok etadi. Ushbu xalqaro yig'inda Muzaffarbek To'raboev alohida dastur bo'yicha shug'ullanadi.

Yilning ilk IJF musobaqasi Paris Grand Slam 2026 bo'lib, 7-8 fevral kunlari Franciya poytaxtida bo'lib o'tadi. O'zbekiston terma jamoasi esa 2026 yilgi mavsumni OTP Group Tashkent Grand Slam 2026 (28 fevral - 1 mart) turniridan boshlaydi. Avstriyadagi o'quv-mashg'ulot yig'ini poytaxtimizda o'tadigan musobaqaga tayyorgarlikning ilk bosqichi bo'ladi.