TAVSIYA QILAMIZ: Nima uchun Fedor Emelyanenko UFC'da jang qilmadi?

Raqib - Rayan Bayder, Bellator 290. Emelyanenko Bellator'da 2017 yildan beri jang qilmoqda va bundan oldin Pride, Rings, Strikeforce, M-1 Global va Rizin FF'da jang qilgan.

Promoushenlar ro'yxatida UFC yo'q. 

Dana Uayt ligasi har doim dunyodagi eng yaxshi jangchilarni birlashtirgan, ammo Emelyanenko o'tishiga rozi bo'lmagan. Nega?

Emelyanenkoning boshqa promoushen bilan shartnomasi va Uaytning o'z poziciyasidan voz kechmasligi Emelyanenkoning UFC'ga o'tishiga to'sqinlik qildi.

Hammasi 2007 yilda boshlangan. Keyin Uayt Emelyanenkoni tanqid qildi, chunki Dananing fikricha, u faqat kuchsiz raqiblarni mag'lub etgan. Uaytning poziciyasi: UFC'da eng yaxshilar yig'iladi. Emelyanenko bilan uning o'tish davri bo'yicha muzokaralar 2009 yilda boshlangan, ammo ilk takliflar bundan ham oldinroq bo'lgan. Asosiy yig'ilish yana bir qancha vakillar ishtirokida bo'lib o'tdi. Emelyanenko tomonidan promouter Vadim Finkelshteyn qatnashdi.

Ular bir vaqtning o'zida bir nechta poziciyalarda UFC bilan kelisha olishmadi:

• Monopolizaciya (Emelyanenko faqat UFC'da jang qilishi mumkin edi);

• Reklama shartnomalari;

• Vadalar va hujjatlardagi farq;

• Emelyanenko va Strikeforce shartnomasi.

Fedor va Uayt o'rtasida qisqa suhbat bo'lib o'tdi va keyin advokatlar bilan maslahatlashishdi. Emelyanenko bu vaziyatni shunday tushuntirdi: «Albatta, suhbatda bitta narsa vada qilingan, ammo hujjatlarda butunlay boshqacha narsa ko'rsatilgan». Uayt Emelyanenkoga ertami-kechmi bunday shartnomaga rozi bo'lishini va UFC'da jang qilishni xohlashini aytdi.

2009 yilning yozida Uayt uning jamoasi Emelyanenkoning tashkilotga o'tishi uchun hamma narsani qilganini aytdi. Bu jiddiy moliyaviy taklifni anglatardi. O'sha paytda Emelyanenko allaqachon Strikeforce bilan shartnoma imzolagan edi. SHu bois, u UFC bilan kelishuvni sud sari qadam deb hisobladi. Uning aytishicha, Uayt va uning sheriklari o'zlarini qo'pol tutgan.

Bundan tashqari, ikkala tomon ham yangi echimlarni izlashdi. Emelyanenko Strikeforce va UFC'ga kamar uchun qo'shma janglar tashkil etishga rozi bo'lishni taklif qildi. UFC Emelyanenkoning to'liq o'tishini talab qildi. Faoliyatidagi tanaffus paytida (2012-2015) u UFC'dan Brok Lesnar bilan jang o'tkazish taklifini oldi. Uayt jang avvalroq nazarda tutilganligini takidladi. Hech narsa sodir bo'lmadi.

2011 yilda Strikeforce tashkiloti UFC tomonidan sotib olindi va bir necha yil o'tib tarqatib yuborildi. Strikeforce o'z mustaqilligini saqlab qoldi va o'zi kurashdi. Tashkilot tarqalgandan keyin jangchilar UFC bilan shartnomalar oldilar. Emelyanenko bu tashkilotda boshqa jang qilmadi: u Yaponiyada va M-1 Global'da edi. 

Keyin u otasining o'limi va oilaning tasiri ostida oktagonni tark etdi (u qizlariga vaqt ajratmoqchi edi).

Muzokaralarning yana bir bosqichi - 2016 yilda sodir bo'ldi. Emelyanenkodan yangi shartlar: uning butun jamoasi UFC'ga o'tadi. Bunda Dana Uayt o'z foydasini ko'rmadi. Keyinchalik Emelyanenko tafsilotlarni oshkor qildi: «Men aytdim: mana mening jamoam. Men shartnomani ham, gonorar miqdorini ham muhokama qilishga tayyorman. Ular menga faqat men bilan qiziqishlarini qattiq tushintirishdi». SHu bilan oxirgi suhbat tugadi.

Voqealarning ushbu versiyasi Emelyanenko va Bellator o'rtasidagi shartnoma tafsilotlari fonida haqiqiy ko'rinadi. Kelishuv vaqtida Bellator uning jamoasidagi barcha jangchilarni qabul qilayotganini darhol elon qildi. Undan oldin Emelyanenkoning UFC'ga o'tishi uchun yaxshiroq sharoitlar mavjud edi. 

UFC yangi taklif tayyorlayotganda, Uayt pulni birinchi o'ringa qo'ydi. Emelyanenko bu haqda bir necha bor gapirgan va bunday poziciyani egallashdan bosh tortgan. UFC shartnomalardan mos kelmaydigan kichik bandlarni olib tashlamadi. Uayt jamoasining xatti-harakati ham shartnoma imzolashga salbiy tasir qildi: Emelyanenko shunchaki UFC tomonidan haqiqiy qiziqishni ko'rmadi.

SHartnoma bilan bog'liq vaziyat atrofida har doim uchinchi tomon fikrlari mavjud edi. Finkelshteyn 2016 yilda ochiqchasiga Emelyanenkoni  UFSga o'tishga undagan, chunki bu uning moliyaviy va sport istaklarini hal qiladi. Korme Fedor UFC'da o'rtamiyona jangchi bo'lib qoladi, deb hisoblardi.

Emelyanenko va Uayt ko'p marta aloqalarni yangiladilar, ammo hammasi bir xil scenariy bilan tugadi. Bellator'da Emelyanenko mos menejer Skott Kokerni topdi va darhol taklif qilingan shartlarga rozi bo'ldi. Fedorning Koker haqidagi barcha hikoyalari cheksiz hurmatdan iborat: «Men hayotimda Skott kabi odamlarni kamdan-kam uchratganman. U o'z so'ziga ega inson».

Fedor Emelyanenkoning o'z orzulari ro'yxati mavjud edi - unda faqat bir nechta jangchilar bor edi. Masalan, Keyn Velaskes va Daniel Korme. Ikkalasi ham UFC afsonalari sifatida tarixda qoldi, ammo Emelyanenko bilan jang qilmasdan. Uning o'zi Lesnarga qarshi muvaffaqiyatsiz kurash haqidagi hikoyani soxta deb atadi: «Bu jang shou uchun ko'proq kerak edi».

Uayt Emelyanenko bilan kelishuvlar buzilganidan xavotirda. O'tgan yili Uayt Emelyanenko 45 yoshida UFC'da jang qilmasligini aytdi. Keyin u Strikeforce promousheni bilan tuzilgan shartnoma tufayli bu fikriga javob oldi. Emelyanenko yana bir bor shunday dedi: «Agar UFC xohlasa, men ular bilan jang qilgan bo'lardim».

Dana Uayt hali ham Emelyanenkoga Lesnar bilan jang qilish uchun katta taklif bo'lganini takidlamoqda. Undan keyin u boshqa UFC jangchilari bilan to'qnashishi mumkin edi. Emelyanenko bilan xayrlashuv jangi o'tkazadigan Rayan Beyder 2016 yilning noyabrigacha tashkilotda qoldi. U faoliyatidagi birinchi mag'lubiyat - Jon Jonsga yutqazganini oradan 12 yil o'tib yodga oldi. 

Endi Bellator Emelyanenko uchun katta jang maydoniga aylandi, u erda Fedor sobiq UFC jangchilari fonida o'zini sinab ko'radi. Emelyanenkoning 2017 yildan buyon raqiblari: Mitrion, Mir, Sonnen, Beyder, Jekson, Jonson. Ularning barchasi Bellator'dan oldin UFC oktagoniga chiqqan. Yangi sharoitda Emelyanenko ularga qarshi to'rtta g'alabaga erishdi va ikki marta mag'lub bo'ldi. Mag'lubiyat Beyder bilan birinchi jangda sodir bo'ldi.

Emelyanenko 2019 yilda o'zi uchun UFC'da ishtirok etish imkoniyatini yopdi. «UFC'da jang qilish istagi yo'q. Bellator bilan juda yaxshi munosabatdaman» - dedi. U UFC atrofidagi barcha gaplar haddan tashqari shov-shuvli ekanligini tushuntirdi va Bellator'ning jangchilarga insoniy munosabatni alohida takidladi.

Dana Uayt hali ham Emelyanenkoning rad etilgan birinchi taklifi haqidagi hikoyani eslaydi: «U hayotidagi eng katta bitimni rad etdi». UFC jamoasi muvaffaqiyatsiz muzokaralar tufayli hatto quvondi. Emelyanenkoning poziciyasi: shunchalik katta pul ediki, u hatto UFC uchun ham ortiqcha bo'lar edi. Uaytning fikricha, Emelyanenko o'sha paytda noto'g'ri ish qilgan.

championat.com sayti asosida Sarvinoz Raxmonqulova tayyorladi