Terens Krouford yaqinda boks bo'yicha o'tkazilgan jangni shubha ostiga oldi

Terens superog'ir vaznda sobiq mutlaq jahon chempioni Mayk Tayson hamda bokschi-bloger Jeyk Pol o'rtasidagi jangning halolligiga shubha qilmoqda. Kroufordning fikricha, ringda bo'layotgan voqealar haqiqiy qarama-qarshilikdan ko'ra ko'proq sahna ko'rinishiga o'xshardi.

"Afsonaning ketayotganini ko'rib, yuragim eziladi. U erda umuman bo'lmasligi kerak edi. Men Taysonning qo'lqopini bunchalik tishlaganini hech qachon ko'rmaganman - u uni urmaslik uchun qo'lidan kelganini qildi. O'ylashimcha, bu jang kelishilgan edi. Uning barcha aloqalari va mavqeini hisobga olgan holda, odamlar unga pul topishning boshqa yo'lini topishlari mumkin edi. Jeykning bunday chiqishidan keyin u Meyvezerga ham hech qachon to'g'ri kelmaydi", - dedi Krouford Jo Roganning podkastida.

Tayson va Pol o'rtasidagi jang 2024 yilning noyabr oyida bo'lib o'tgandi. Jang sakkiz raund davom etgan (har biri ikki daqiqadan) va hakamlarning yakdil qarori bilan Jeykning g'alabasi bilan yakunlangandi.