Terma jamoamiz medallar jamg'arish bo'yicha nechanchi o'rinda?

Ikkinchi bronza medali ham dzyudo musobaqasida qo'lga kiritildi. 66 kg vazn toifasida tatamiga chiqqan Rishod Sobirov yakunda bronza medali bilan taqdirlandi. Bu bilan u olimpiya o'yinlarining uch karra bronza medal sohibiga aylandi.

Undan avval 60 kg vazn toifasidagi dzyudochimiz Diyorbek O'rozboev ham bronza medalini qo'lga kiritgandi. Kechagi kun bahslarida so'ng medallar jamg'arish bo'yicha O'zbekiston terma jamoasi 2ta bronza medali bilan umumjamoa hisobida 28-o'rinni egallab turibdi.

Uchta oltin, 5ta kumush, 4ta bronza, jami 12ta medalga egalik qilib turgan AQSH terma jamoasi birinchi o'rindan joy olgan. Ikkinchi o'rindagi Xitoy terma jamoasida 3ta oltin, 2ta kumush, 3ta bronza medali bor. Uchta oltin va shuncha bronza medalini qo'lga kiritgan Avstraliya terma jamoasi kuchli uchlikka yakun yasagan.

SHu kungacha 17ta terma jamoa kamida bir Olimpiada chempioniga ega bo'lib ulgurdi. Yigirma ettita terma jamoa hisobida kamida bittadan kumush medal bor.