Terma jamoamiz medallar jamg'arish bo'yicha olti pog'onaga pastladi

Terma jamoamiz dzyudochilarimiz Diyorbek O'rozboev va Rishod Sobirov qo'lga kiritgan ikkita bronza medali bilan umumjamoa hisobida 207 ishtirokchi davlat orasida 39-o'rinni egallab turibdi. Bir kun avval biz 33-pog'onadan joy olgandik.

Olimpiadaning to'rtinchi kungi bahslaridan so'ng AQSH terma jamoasi medallar jamg'arish bo'yicha peshqadamlikni o'z qo'lida saqlab turibdi. Okean orti jamoasi jami 26ta medalni qo'lga kiritib ulgurdi. SHulardan 9tasi oltin, 8tasi kumush, 9tasi bronza medallaridir.

Ikkinchi o'rindagi Xitoy terma jamoasida 8ta oltin medal bor. Kumush medallar 3tani, bronza esa 6tani tashkil qilmoqda. To'rtta oltin va bittadan kumush hamda bronza medaliga ega Vengriya terma jamoasi uchinchi o'ringa ko'tarilib oldi. To'rtinchi pog'onadagi Avstraliyada 4ta oltin va 5ta bronza medali bor.

SHu kungacha 24ta davlat terma jamoalari kamida bir nafar Olimpiada chempioniga ega bo'lib ulgurdi. O'ttiz sakkizta terma jamoa esa hisobida kamida bittadan kumush medal bor. Qirq ettita mamlakat jamoasi esa kamida bittadan bronza medaliga ega.