18 dek 07:41
Yangiliklar

Dzyudo

Terma jamoamiz yilning so'nggi yig'iniga jo'nab ketdi

Dzyudo bo'yicha O'zbekiston terma jamoasi navbatdagi o'quv-mashg'ulot yig'inini o'tkazish uchun Gruziyaga yo'l oldi.

29 dekabrga qadar davom etadigan yig'in dzyudochilarimizning jismoniy tayyorgarligini oshirishga qaratilgan. Vakillarimiz ushbu yig'in mobaynida Gruziyaning tog'li hududlarida mashg'ulot olib boradilar.

Murabbiylar shtabi mazkur yig'inga Olimpiya o'yinlari yo'llanmasi uchun kurash olib borayotgan 14 nafar dzyudochini olib ketishni lozim topdi.

Gruziya yig'iniga yo'l olgan tarkib:

SHarofiddin Lutfillaev

Diyorbek O'razboev

Kemran Nurillaev

Sardor Nurillaev

SHahram Ahadov

Hikmatilloh To'raev

SHarofiddin Boltaboev

Kamoliddin Rasulov

Davlat Bobonov

Muhammadkarim Xurramov

Bekmurod Oltiboev

Alisher Yusupov

Diyora Keldiyorova

Gulnoza Matniyazova

Mazkur yig'in bo'lajak dzyudochilarimizning kelgusidagi musobaqalarga tayyorlanishi yo'lida muhim ahamiyat kasb etadi. SHu bois ham delegaciyamizni Gruziya safariga kuzatib qo'yish uchun MOQ prezidenti Rustam SHoabdurahmonov, MOQ vice-prezidenti, O'zbekiston dzyudo federaciyasi raisi Azizjon Kamilov Toshkent Xalqaro aeroportida hozir bo'lishdi va vakillarimiz bilan qisqa suhbat o'tkazishdi.