16 apr 10:59
Yangiliklar

Dzyudo

Termiz OZKda uch avlod uchrashuvi bo'lib o'tdi FOTOREPORTAJ

Xabaringiz bor, shu kunlarda dzyudo bo'yicha milliy terma jamoamiz Surxondaryo viloyati markazi Termiz shahrida ikki haftalik o'quv-mashg'ulot yig'ini o'tkazyapti.

Yig'in doirasida Ilias Iliadis shogirdlari Termiz olimpiya zaxiralari kollejida bo'lib, dzyudo bo'limida tahsil olayotgan yoshlar bilan uchrashishdi. Yosh dzyudochilar uchun Ilias Iliadis, Diyorbek O'razboev, Davlat Bobonov, SHarofiddin Lutfullaev, SHarofiddin Boltaboev, Hikmatulloh To'raev singari taniqli akalari bilan bevosita uchrashish va ularning mahoratidan bahramand bo'lish chinakam bayramga aylandi.

Ayniqsa, ular Iliadis va Bobonovning o'zaro sparring-mashg'ulot o'tkazganini katta qiziqish bilan kuzatib borishdi. Yosh dzyudochilar o'zlarini qiziqtirgan savollarga atroflicha javob olishdi. Bu kabi uch avlod vakillari ishtirokidagi uchrashuvlar yoshlar qalbida bir umrga muhrlanib qoladi.