Tezkor. Bektemir Meliqo'zievning navbatdagi jangi sanasi malum bo'ldi. Hamyurtimiz Rayan Garsiya - Devin Xeyni kardida ringga chiqadi!

Hamyurtimiz prof faoliyatidagi o'n beshinchi jangini 20 aprel kuni Las-Vegasda (AQSH) o'tkazadi. Bu haqda uning menejeri Vadim Kornilov xabar berdi. Meliqo'zievga o'sha kuni kim raqiblik qilishi hozircha nomalum.

Boxer TV nashrining malum qilishicha, Bektemir markaziy jangi Rayan Garsiya va Devin Xeyni o'rtasidagi kechadigan oqshom kardida ringga chiqadi.

Malumot uchun, ayni damda AQSHda mashg'ulotlarni davom ettirayotgan Meliqzo'iev o'z vazn toifasida WBA Intercontinental va WBO Intercontinental kamarlari sohibi hisoblanadi.

Bokschimiz o'zining so'nggi jangini 2023 yil oktyabr oyida Alantes Foksga qarshi o'tkazib, to'rtinchi raundda texnik nokaut orqali g'alabaga erishgan edi. Uning hisobida jami 13 ta g'alaba va 1 ta mag'lubiyat bor.