Tim Czyuni mag'lub etgan Fundora keyingi raqibi kim bo'lishini aytdi

Amerikalik bo'ydor bokschi kecha Las-Vegasda o'tgan prof boks oqshomining markaziy jangida endilikda WBO kamarining sobiq sohibi, avstraliyalik Tim Czyuni ochkolar hisobiga ko'ra mag'lubiyatga uchratib, raqibiga ilk mag'lubiyatni taqdim etgandi. Fundora WBO kamari bilan birga vakant bo'lib kelgan WBC chempionlik kamarini ham qo'lga kiritdi.  

"Errol Spens – ajoyib jangchi! U bilan jangimiz tashkil etilsa yomon bo'lmasdi. Lekin Terens Krouford dunyoning eng zo'ri. Men keyingi jangimni aynan unga qarshi o'tkazishni xohlayman. Biroq, masalaning moliyaviy tomonini ham o'ylashimiz kerak. Bu jihatdan Spensga imkoniyat bermasam, men tomondan ahmoqlik bo'ladi. Boks — bu biznes! Errol 70 kg vaznda o'zini yaxshi his qiladi. U bilan jangimiz ko'p rekordlarni yangilashi mumkin", — dedi Fundora.

Eslatib o'tamiz, hamyurtimiz Isroil Madrimov ushbu vazn toifasida WBA chempionlik kamari sohibi bo'lib turibdi.