Tokio-2020. Akbar Jo'raev O'zbekistonga oltin medalni taqdim etdi

Kun davomida Olimpiadada ishtirok etgan o'zbekistonlik sportchilarning ishtiroklariga oid malumotlarni ushbu sahifada onlayn ravishda kuzatib borish mumkin bo'ldi.

O'zbekistonlik sportchilar quyidagicha natija qayd etishdi:

Engil atletika: Ruslan Qurbonov (uch xatlab sakrash) (uchta urinishda uchta xato)

Boks: SHahobiddin Zoirov (chorak finalda mag'lubiyat)

Boks: Elnur Abduraimov (chorak finalda mag'lubiyat)

Yunon-rum kurashi: Rustam Assakalov (ikkinchi jang, chorak finalda mag'lubiyat)

Boks: Rayhona Qodirova (chorak finalda mag'lubiyat)

Og'ir atletika: Akbar Jo'raev (OLTIN MEDAL!)

SHu tariqa, o'zbekistonlik sportchilarning Olimpiya o'yinlarining 11-kunidan olib borilgan matnli translyaciyamiz o'z yakuniga etdi. Kun ajoyib notada yakunlandi!

Akbar dast ko'tarishda 193 kg, siltab ko'tarishda 237 kg, umumiy hisobda esa 430 kg toshni o'ziga bo'ysundirdi! Oltin medal va Olimpiada rekordi!

17:46. Armanistonlik sportchi 238 kg toshni ko'tara olmadi! SHu tariqa u Akbardan o'tib keta olmadi! Akbarda oltin!

17:42. AJOYIB! Akbar Jo'raev 237 kg tosh ko'tardi! 

17:40. Ikkinchi urinishda 234 kg. o'xshamadi. 

17:30. Akbar Jo'raev ilk urinishni 227 kg.ga o'zgartiridi va ilk urinishni muvaffaqiyatli bajardi. Kumush naqd!

17:09. Jo'raev siltab ko'tarish mashqlarini 230 kg bilan boshlaydi. 

16:55. Siltab ko'tarish mashqlari boshlanmoqda.

16:40. Uchinchi urinishda 193 kg toshni ko'tardi Akbar. Yaxshi. Dast ko'tarishni ana shunday natija bilan yakunladi! Bu ikkinchi ko'rsatkich. Birinchi o'rindagi armanistonlik sportchi 195 kg natija ko'rsatdi. 

16:37. Akbarning ikkinchi urinishi muvaffaqiyatli - 189 kg. tosh bo'ysundirildi!

16:33. CHiqishga oz vaqt qolganda Akbar Jo'raev buyurtmani o'zgartirdi. U ilk urinishda 189 kg. toshga buyurtma berdi. Ammo, dastlabki urinish muvaffaqiyatsiz. 

16:20. Og'ir atletika bahslari boshlandi. Akbar ilk urinishda 190 kg. toshni ko'tarish uchun buyurtma bergan. Huddi shunday buyurtma armanistonlik Simon Martirosyan tomonidan ham ko'rsatilgan. Qolganlar esa ulardan pastroq toshni ko'tarish uchun buyurtma berishgan.

15:44. Og'ir atletikachimiz Akbar Jo'raevning chiqishiga oz vaqt qolmoqda.

15:05. Yunon-rum kurashi bahslarida Rustam Assakalov bronza uchun kurasha olmaydigan bo'ldi. Uni chorak finalda mag'lub etgan xorvatiyalik Ivan Xuklek yarim finalda yutqazib qo'ydi. SHu tariqa, barcha yunon-rum kurashchilarimiz uchun Olimpiada medalsiz yakunlanadi. 

13:31. Endi og'ir atletikachimiz Akbar Jo'raevning ishtirokini kutamiz. Uning chiqishi soat 15:50da boshlanadi. 

13:13. Rayhona Qodirova chorak finalda braziyaliklik jahon chempioniga 0:5 hisobida imkoniyatni boy berib qo'ydi. 

12:56. Rayhona Qodirovaning jangi boshlanishiga oz vaqt qolmoqda. 

11:11.  Endi birozdan so'ng Rayhona Qodirova braziliyalik jahon chempioni Beatris Ferreyraga qarshi ringga ko'tariladi. Jang Toshkent vaqti bilan soat 13:00da boshlanadi. 

10:14. Boks. Tokio Olimpiadasida ilk oltin medal o'z egasini topdi

9:21. Afsuski Rustam Assakalov xorvatiyalik kurashchiga 1:4 hisobida yutqazdi. Endi xorvatiyalik sportchining finalga chiqishini kutamiz. 

9:10. Yunon-rum kurashchimiz Rustam Assakalovning chorak final jangi boshlanmoqda.

8:32. Endi Assakalov chorak finalda xorvatiyalik Ivan Xuklekka qarshi gilamga chiqadi. Ushbu bahs Toshkent vaqti bilan taxminan 9:00dan so'ng boshlanadi.  

8:20. Elnur Abduraimov uchun ham Olimpiada chorak finalda yakunlandi. U armanistonlik bokschiga yutqazib qo'ydi.

8:19. Rustam Assakalov gruziyalik raqibini mag'lubiyatga uchratib, chorak finalga yo'l oldi.

7:55. Elnur Abduraimovning jangiga oz vaqt qoldi. U birozdan so'ng armanistonlik Ovanes Bachkovga qarshi ringga ko'tariladi. 

7:49. Birozdan so'ng yunon-rum kurashchimiz Rustam Assakalov bahsga chiqadi. U ilk bosqichda gruziyalik Lasha Gobadzega qarshi bahs yuritadi.

7:28. SHahobiddin Zoirovning jangi ikkinchi raundda yakunlandi. Uning qoshi yorilib ketgani uchun jang muddatidan oldin tugadi. Afsuski, ushbu vaqtga kelib ochkolar bo'yicha filippinlik bokschi oldinda borayotgandi. SHu tariqa, Zoirov musobaqani chorak finalda tark etdi.

7:02. SHahobiddin Zoirov ringga chiqishga tayyorgarlik ko'rmoqda.

6:40. Ruslan Kurbanov uchta imkoniyatning bittasini ham foydalana olmay, olimpiadani natijasiz yakunladi

6:29. Assalomu alaykum hurmatli sport ishqibozlari. O'zbekistonlik sportchilarning ishtirokiga oid onlayn matnli translyaciyamizni boshlaymiz. 

3 avgust kuni Olimpiadada qatnashadigan o'zbekistonlik sportchilar:

5:00 - Engil atletika: Ruslan Qurbonov (uch xatlab sakrash)

7:15 - Boks: SHahobiddin Zoirov

8:00 - Boks: Elnur Abduraimov

8:20 - Yunon-rum kurashi: Rustam Assakalov

13:00 - Boks: Rayhona Qodirova

15:50 - Og'ir atletika: Akbar Jo'raev

Soatlar Toshkent vaqti bilan ko'rsatilgan