Tokio-2020. Bahodirning g'alabasi, dzyudochi va ikki bokschimizda mag'lubiyat

Kun davomida Olimpiadada ishtirok etgan o'zbekistonlik sportchilarning ishtiroklariga oid malumotlarni ushbu sahifada onlayn ravishda kuzatib borish mumkin bo'ldi. 

Sportchilarimizning natijalari quyidagicha bo'ldi:

Akademik eshkak eshish: SHaxboz Xolmurzaev/Sobir Safaraliev (S final) (6 davlat ichida 4-o'rin) 

Dzyudo: Muhammadkarim Hurramov (ikkinchi jangda mag'lubiyat)

Boks: Bahodir Jalolov (1/8 finalda ozarbayjonlik bokschi ustidan g'alabaga erishdi)

Boks: Tursunoy Rahimova (1/8 finalda turkiyalik raqibga mag'lub bo'ldi)

Boks: Fanat Qahramonov (1/8 finalda qozog'istonlik raqibga mag'lub bo'ldi)

SHu tariqa o'zbek sportchilarining Olimpiadaning oltinchi kunidagi ishtiroki yakunlandi. 

13:29. Afsuski Fanat Qahramonov qozog'istonlik Abilxan Amankulga 0:5 hisobida yutqazib qo'ydi. 

13:13. Fanat Qahramonovning jangi boshlanmoqda! Raqib - qozog'istonlik Abilxan Amankul.

12:23. Ertaga ringga ko'tariladigan bokschilarimiz ro'yxati:

Bobousmon Baturov - Pet Makkormak (Britaniya)

Rayhona Qodirova - Naomi Yumba (Kabo-Verde)

12:12. Fanat Qahramonovning jangiga bir soatdan kamroq vaqt qolmoqda.

11:41. Xitoy medallar jamg'arish bo'yicha birinchi o'ringa chiqib oldi.

10:18. Tursunoy Rahimovaning jangi. Qaysi mamlakat hakamlari qanday baho qo'yishdi?

9:45. Ungacha ushbu sahifamiz orqali Olimpiya o'yinlariga oid boshqa malumotlarni berib boramiz. 

9:40. Bugun kun davomida Fanat Qahramonov ham ringga ko'tariladi. U qozog'istonlik Abilxan Amankulga qarshi bahs yuritadi. Jang Toshkent vaqti bilan soat 13:15 da boshlanishi kutilmoqda.

9:19. Tursunoy Rahimova turkiyalik kuchli raqibasiga qarshi jang qildi 2:3 hisobida imkoniyatni boy berdi. Hakamlar bu borada turkiyalik bokschiga g'alabani tuhfa qilishdi. SHubhali qaror. Afsus...

8:57. Birozdan so'ng bokschimiz Tursunoy Rahimovaning turkiyalik raqibaga qarshi jangi boshlanadi. 

8:45. Bahodir Jalolov endi chorak finalda hindistonlik Satish Kumarga qarshi bahs yuritadi. 

8:25. Muhammadkarim Hurramov yaponiyalik dzyudochiga qarshi bahsda imkoniyatni boy berib qo'ydi. SHu tariqa, Hurramov uchun Olimpiada ikkinchi bosqichdayoq yakunlandi.

8:10. Bahodir Jalolov ozarbayjonlik raqibini 5:0 hisobida mag'lubiyatga uchratdi. Qayd etish lozimki, u ikkinchi raundda raqibini nokdaun holatiga ham tushirishga ulgurdi. 

7:55. Bahodir Jalolovning jangi boshlanmoqda. Raqib - ozarbayjonlik Muhammad Abdullaev.

7:49. Hurramov navbatdagi jangini mezbon - yaponiyalik Aaron Vulfga qarshi o'tkazadi. 

7:36. Dzyudo. Muhammadkarim Hurramov irlandiyalik raqibini mag'lubiyatga uchratdi. G'alaba bilan boshladik, yaxshiii!

7:28. Akademik eshkak eshuvchilarimiz SHaxboz Xolmurzaev va Sobir Safaraliev o'z chiqishini yakunladi. S finalda vakillarimiz 6 jamoa ichida to'rtinchi bo'lib marraga etib kelishdi. 

6:52. Assalomu alaykum qadrli sport ishqibozlari. O'zbekistonlik sportchilarning ishtirokiga oid matnli translyaciyamizni boshlaymiz.

Kun davomida quyidagi sportchilarimiz bahslarda ishtirok etishadi:

7:20 - Akademik eshkak eshish: SHaxboz Xolmurzaev/Sobir Safaraliev (S final)

7:30 - Dzyudo: Muhammadkarim Hurramov

8:05 - Boks: Bahodir Jalolov

9:05 - Boks: Tursunoy Rahimova

13:15 - Boks: Fanat Qahramonov

Soatlar Toshkent vaqti bilan ko'rsatilgan