Tokio-2020. Sportchida doping aniqlangani bois Xitoy 3-o'ringa ko'tarilib oldi

Bu orqali Buyuk Britaniya Tokio-2020 Olimpiadasidagi estafeta bahslarida qo'lga kiritgan kumush medalidan mahrum etildi. Britaniyalik sprinter CHidjindu Udja antidoping qoidabuzarligi uchun diskvalifikaciyaga uchradi. Uning Oliy sport arbitraj sudiga bergan apellyaciya arizasi qanoatlantirilmadi. 

Udjaning Tokio Olimpiya o'yinlarida ko'rsatgan natijalari bekor qilinib, u va 4x100 metrga estafeta jamoadoshlari Jarnel Xyuz, Richard Kilti va Nataniel Mitchell-Bleyklar Olimpiada kumush medallaridan mahrum bo'lishdi.

Eslatib o'tamiz, musobaqa davomida sportchining organizmida taqiqlangan “ostarin” va “S-23” moddalari aniqlangan edi. ostarin mushak atrofiyasini davolashda, S-23 (mastorin) esa kontraceptiv sifatida foydalaniladi, lekin ikkala dori vositasi ham sportda taqiqlangan. Udjaning so'ziga ko'ra, u hech qachon ataylab doping istemol qilmagan.

Buyuk Britaniya jamoasidan kumush medallari olib qo'yilganidan so'ng Italiya ushbu yo'nalishda peshqadamligini saqlab qolgan holda ikkinchi o'ringa Kanada va uchinchi o'ringa Xitoy terma jamoalari ko'tarilib oldi.