Tokio-2020 stadionida COVID-19ga qarshi choralar sinovdan o'tkazildi

Xabar berilishicha, stadion bo'ylab niqoblar taqilgani va muxlislar harakatini nazorat qilish maqsadida sinov uchun o'nlab yuqori aniqlikdagi kamera va sensorlar o'rnatilgan. SHuningdek, COVID-19dan himoya doirasida is gazi miqdorini kuzatish va shamol tezligini o'lchash asboblaridan foydalaniladi.

Yaponiya hukumati hozirda stadionlarning 50 foiz yuklama bilan ishlashiga ruxsat bergan. Uch kunlik eksperimentlar davomida esa mutaxassislar COVID-19 pandemiyasi sharoitida arenani tomoshabinlar bilan bemalol to'ldirish mumkin yoki yo'qligiga aniqlik kiritib olishadi.

«Xulosalarimizni hukumatga malum qilamiz», dedi Kanagava prefekturasi rasmiy vakili Kiyotaka Eguti. «Bu erda biz olgan malumotlar yo'riqnomada aks ettiriladi va undan keyingi yilgi Olimpiya o'yinlari uchun ham foydalaniladi.»

Malumotlar poezdlar yoki sinflar ichidagi havoda tomchilar tarqalishini simulyaciya qilish uchun ishlatiladigan Yaponiyaning Fugaka superkompyuteri tomonidan tahlil qilinadi.

Tomchilar ochiq havoda yoki atrof-muhitda qanchalik tarqalishi haqida malumotlar kam bo'lganligi sababli, topilmalar Yaponiyaga kelgusi yilgi Olimpiya va Paralimpiya tadbirlariga xavfsiz tarzda tashrif buyuradigan tomoshabinlarning maksimal sonini belgilashga imkon beradi.