Tokio-2020 Tashkiliy qo'mitasi Olimpiya o'yinlarini tomoshabinlarsiz o'tkazish variantini ko'rib chiqmoqda

Bu haqida Tashkiliy qo'mita raisi Yosiro Mori matbuot anjumanida malum qildi.

“Biz aslida Olimpiya o'yinlarini tomoshabinlarsiz o'tkazishni xohlamasligimiz aniq. Agar shu masala to'g'risida o'ylamasak, musobaqalarni o'tkazishni uddasidan chiqmay qolishimiz ham mumkin”, – dedi Yosiro Mori. Rasmiy vakil Tashkiliy qo'mita o'z sheriklaridan Olimpiya o'yinlarini o'tkazish bo'yicha birorta etiroz olmaganini ham takidladi.

Kiodo agentligi agar Yaponiya hukumati koronavirus bilan bog'liq vaziyatni shu yil yoziga borganda ham to'la nazorat ostiga olishga muvaffaq bo'lmasa, rejadagi choralarning birini amalga oshirish haqida o'ylayotganini xabar bergan edi. Bu choralar orasida Olimpiya o'yinlari paytida stadionlardagi tomoshabinlar sonini keskin chegaralash, yoki ularsiz o'tkazish ham ko'rib chiqilmoqda.