Tokio-2020 uchun sotilgan chiptalar pulini qaytarib olish uchun buyurtmalar qabul qilinmoqda

Bu haqda Tashkiliy qo'mitaning rasmiy saytida malum qilindi.

Buyurtmalarni 30 noyabrgacha rasmiylashtirish mumkin. Tokiodagi Paralimpiya o'yinlari uchun sotilgan chiptalarga buyurtmalar esa 1 dekabrdan 21 dekabrgacha qabul qilinadi. Yutuqli o'yinlar orqali xarid qilgan aholi chipta pullarini to'g'ridan-to'g'ri qaytarib oladilar. CHet elliklar buning uchun o'z mamlakatlarida chiptalar savdosi bilan shug'ullangan rasmiy tashkilotlarga murojaat qilishlari kerak bo'ladi.

Tokiodagi Olimpiya o'yinlariga 10 milliontaga yaqin chipta sotilishi rejalashtirilgan edi. Hozirgi paytgacha Olimpiya o'yinlari uchun 4,4 millionta, Paralimpiya o'yinlari uchun 970 mingtaga yaqin chipta sotilgan.