Tokio-2020 yo'lida federaciyalarga biriktirilgan masul tashkilotlar oldiga vazifalar belgilab berildi

Mazkur yig'ilishni MOQ rahbari Rustam SHoabdurahmonov olib bordi. Unda muhtaram Prezidentimizning 4 sentyabr kuni jismoniy tarbiya va sportni rivojlantirish masalasida o'tkazgan videoselektorida sohani rivojlantirish yo'lida bergan topshiriqlari masalasiga ham alohida to'xtalib o'tildi.

Yig'ilish davomida Olimpiya o'yinlariga tayyorgarlik ko'rayotgan federaciyalarga biriktirilgan masul tashkilotlar yana bir marta tanishtirilib, ularning oldida turgan vazifalari eslatib o'tildi.

“Bu borada “Pepsi”, “Qizilqumcement”, «Asaka bank” kabi tashkilotlarimiz o'z ishlarini boshlab yuborishdi. Ularga chuqur minnatdorchilik bildirib o'taman. SHu o'rinda qolgan masullarimizni ham ulardek faol bo'lishga chorlab qolardim. Sizlardan so'raladigan narsa Olimpiadaga tayyorgarlik ko'rayotgan asosiy terma jamoamizni qo'llab-quvvatlash va o'sha sportni targ'ib qilish yo'lida jonbozlik ko'rsatish. Ularning bazalariga borib o'quv-mashg'ulot yig'inlarini ko'ring, kunlik grafiklari bilan tanishib chiqing. Bu federaciyalar bilan ishlashda ancha qulay bo'ladi. Sohada katta tajribaga ega har bir federaciyaga biriktirilgan mutaxassislarimiz bu borada sizlarga yordam berishga tayyor”, – dedi Rustam SHoabdurahmonov. 

Yig'ilish davomida har 10 kunda belgilangan masul tashkilotlar bilan olib borilayotgan ishlar yuzasidan fikr va tajriba almashib borish bo'yicha qaror qilindi.