Tokio-2020 yo'llanmalarining 70 foizi taqsimlab bo'lindi

Xalqaro Olimpiya qo'mitasining malum qilishicha, ayni paytga kelib licenziyalarning 70 foizi o'z egalarini topgan.

Raqamlar bo'yicha aytadigan bo'lsak, hozirda 7800 dan ortiq sportchi Olimpiada ishtirokchilariga aylanib ulgurdi. Hozirgi kunga kelib, reyting va kvalifikacion turnirlar orqali bir qator sport turlarida o'ynaladigan yo'llanmalar o'z egalarini kutmoqda.

Futbol, sport kurashlari, velosportning shosse va trek, gandbol, chim ustida xokkey, voleybol, qoyaga chiqish, suv polosi, suvga sakrash, ot sporti bo'yicha yo'llanmalar taqsimlab bo'lingan. 5 iyulgacha barcha sport turlari bo'yicha licenziyalar to'liq taqsimlanadi.

Eslatib o'tamiz, hozirgacha O'zbekiston delegaciyasi Olimpiya o'yinlariga 41 ta, Paralimpiya o'yinlariga esa 16 ta yo'llanma qo'lga kiritgan. Tokio-2020 Olimpiya o'yinlari 23 iyul – 8 avgust, Paralimpiya o'yinlari esa 24 avgust – 5 sentyabr kunlari bo'lib o'tadi.