Tokio-2020da lotereya biletlari o'ynaladi

Uning so'zlariga ko'ra, to'rt yillikning eng nufuzli musobaqasining tantanali ochilish va yopilish marosimlari, shuningdek 8 ta sport turi bahslarini bevosita tomosha qilish uchun shu paytgacha sotilgan biletlar o'rtasida lotereya o'yini o'tkaziladi.

Tashkiliy qo'mita malumotida aytilishicha, Olimpiya o'yinlariga sotilgan 4,48 million biletdan 840.000 mingtasi pandemeya tufayli qaytarib berilgan. O'tkaziladigan lotereya o'yini joriy qilinadigan sistema asosida aynan shu chipta sohiblari o'rtasida o'tkaziladi. Lotereyada g'olib chiqqanlar 6 iyulda, yani Olimpiya o'yinlarining tantanali ochilish marosimi boshlanishiga 17 kun qolganda elon qilinadi.

Lotereya sohiblari Olimpiya o'yinlarining ochilish, yopilish marosimlarida va engil atletika, beysbol, futbol, golf, zamonaviy beshkurash, regbi-7, softbol va serfing sport turlarini bevosita kuzatish imkoniga ega bo'lishadi.

Har bir sport majmuasiga kiritiladigan tomoshabinlar soni pandemeyadan himoyalanish uchun 50 foizga qisqartiriladi. Yani, musobaqa o'tadigan sport majmuaga ishtirokchilarning joylashuvidan kelib chiqib ishqibozlar soni 910 000 dan 2,72 milliongacha qisqarishi mumkin. O'yinlar mobaynida barcha qatnashchilar niqobda bo'lishi shart, deya iqtibos keltirgan Seyko Xashimoto.

SHu o'rinda aytish joizki, Yaponiyada o'tadigan Olimpiya va paralimpiya o'yinlariga xorijiy ishqibozlar qo'yilmasdan, mahalliy muxlislarga ruxsat berilgan. Tashkiliy qo'mita axborotida keltilishicha, agarki COVID-19 bilan bog'liq ichki vaziyat Yaponiyada yana xuruj qiladigan bo'lsa, barcha tadbirlar tomoshabinlarsiz o'tkaziladi.

Eslatib o'tamiz, yozgi Olimpiya o'yinlari joriy yilning 23 iyul – 8 avnust kunlari, paralimpiya o'yinlari esa 24 avgust – 5 sentyabr kunlari bo'lib o'tadi. 

To'lqin RO'ZIEV