Tokio Olimpiadasiga tayyorgarlik jarayoni muhokama qilindi

MOQ rahbariyati sportchilarimizni oldinda kutib turgan yirik kompleks musobaqalar Tokio-2020 hamda Parij-2024 Olimpiya o'yinlari, Xanchjou-2022 Osiyo o'yinlariga olib borilayotgan tayyorgarlik ishlari hamda ish davomida uchrayotgan boshqa tashkiliy masalalarni o'rganishga bag'ishlangan onlayn yig'ilish o'tkazdi. Unda MOQ raisi Rustam SHoabdurahmonov boshchiligidagi qo'mita rahbariyati, shuningdek, Olimpiya sport turlari bo'yicha federaciya va associaciyalarning mutasaddi rahbarlari ishtirok etishdi.

Yig'ilish kun tartibi bo'yicha Qo'mita Bosh kotibi Oybek Kasimov Vazirlar Mahkamasida bo'lib o'tishi kutilayotgan yig'ilishga tayyorgarlik, Qo'mita raisi o'rinbosari SHerzod Tashmatov Tokio-2020 Olimpiya va Paralimpiya o'yinlariga tayyorgarlik jarayoni hamda Tezkor shtab faoliyati, terma jamoa sportchilarining tayyorgarlik jarayoni uchun yangi zamonaviy sport uskunalari, trenajyor va boshqa anjomlar, raqamli IT-texnalogiyalar va dasturlarni xarid qilish bo'yicha takliflar, Qo'mita raisi o'rinbosari Azizjon Kamilov atletlarga maxsus sport formalari va ekipirovkalarni tayyorlash, Respublika sport tibbiyoti ilmiy-amaliy markazi direktori Abdushukur Sadikov sportchilar uchun mahalliy farmakologik preparatlarni ishlab chiqarish dasturlari, tibbiyot markazi faoliyatini yanada modernizaciya qilish bo'yicha hisobot topshirishdi.

SHundan so'ng MOQ raisi yig'ilish yuzasidan o'z fikrlarini bildirib o'tdi.

“Tokio Olimpiadasiga ham kun sayin yaqinlashib kelmoqdamiz. Avvalo, hukumatimizga bizning bu boradagi barcha rejalarimizni qo'llab-quvvatlayotgani uchun tashakkur aytib o'tmoqchiman. Xalqimiz bizdan xuddi Riodagidek ulkan g'alabalar kutmoqda. Buning uchun barchamiz o'z ishimizga masuliyat bilan kirishishimiz lozim. Muhtaram Prezidentimiz barcha rahbar va hokimlarga ish jarayonini kuchaytirish uchun mahalla va boshqa quyi bo'g'inlarga tushib ishlashni talab qilmoqdalar. Agar biz masalaning ichiga kirib bormasak, unga hech qachon echim topa olmaymiz”, – dedi Rustam SHoabdurahmonov.

Yig'ilish davomida Toshkent-2025 yoshlar Osiyo o'yinlariga ham tayyorgarlikni unutmaslik, har bir sport turida o'ziga xos ekipirovkalar tayyorlash va buning uchun dizaynerlar bilan o'quv-seminarlari tashkil qilish, farmakologik yo'nalishda Fanlar Akademiyasi bilan hamkorlikda ishlash, selekciya siyosatiga yanada katta etibor berish kabi yo'nalishlarda topshiriqlar berildi.