Tokio o'yinlariga sinov musobaqalari taqvimi tasdiqlandi

Mart-may oylarida Yaponiya poytaxtida sportning 18 turi bo'yicha tadbirlar bo'lib o'tadi.

Jadval tuzilayotganda, Tashkiliy qo'mita xalqaro federaciyalar bilan maslahatlashgan, shuningdek, o'yinlar davomida xarajatlarni kamaytirishni hisobga olgan. Sinov musobaqalari davomida asosiy etibor uchta asosiy yo'nalishga qaratiladi: musobaqa maydoni, texnologiyadan foydalanish va shu jumladan, COVID-19ga qarshi kurash masalalarida xodimlarning tayyorligi.

Koronavirus tarqalishini nazorat qilish choralariga alohida etibor beriladi – Olimpiya o'yinlari o'tkaziladigan maydonlar menejmenti amalda ham ishtirokchilar, ham tomoshabinlar sog'lig'ini muhofaza qilishga qaratilgan bir qator harakatlarni ishlab chiqishi kerak.

Sinov tadbirlari dasturi 4-7 mart kunlari Suv sporti markazida o'tadigan sinxron suzish bo'yicha Olimpiya saralash turniri bilan ochiladi. Aynan o'sha vaqtning o'zida, 6-8 mart kunlari “Aomi” bog'ida qoyaga chiqish musobaqasi bo'lib o'tadi. Suvga sakrash bo'yicha Jahon kubogi bosqichi 18-23 aprel kunlari Tokioda, badiiy gimnastika bo'yicha Jahon kubogi esa 4 may kuni “Ariake” markazida bo'lib o'tadi.

SHuningdek, taqvimda suzish, suv polosi, velosportning VMX yo'nalishi, badiiy gimnastika, regbi, o'q otish, voleybol, badiiy gimnastika, velotrek, 3x3 basketbol, engil atletika, skeytbord va bir qator paralimpiya yo'nalishlari bo'yicha sinov tadbirlari mavjud.

Tokio-2020 tashkiliy qo'mitasi takidlashicha, tadbirlar dasturi to'liq tasdiqlanmagan va mavjud vaziyatdan kelib chiqib hali ham tuzatishlar kiritilishi mumkin.