To'lqin Qilichev nima uchun terma jamoa bilan Jahon chempionatiga bormayapti?

Bugun Orient Finance Bank bosh ofisida ushbu Jahon birinchiligida ishtirok etadigan terma jamoamiz vakillari ishtirokida matbuot anjumani bo'lib o'tdi. Tadbirda musobaqada qatnashadigan terma jamoamiz azolari va murabbiylar ro'yxati rasman malum qilindi.

Murrabbiylar ro'yxatidan terma jamoa katta murabbiyi To'lqin Qilichev o'rin olmaganini va Jahon chempionatiga bormayotganini ko'rishimiz mumkin. 

O'zbekiston boks federaciyasi bosh kotibi Murodjon Mamadaliev bu holatga aniqlik kiritdi.

«Xabaringiz bor, kelasi yilning yanvar oyida Toshkent shahrida 22 yoshgacha bo'lgan bokschilar o'rtasida Osiyo chempionati bo'lib o'tadi. Hozirgi vaqtda biz parallel tarzda Marat Galievich boshchiligida ushbu Osiyo chempionatiga ham tayyorgarlik ko'ryapmiz. 22 yoshlilarning tayyorgarligiga javobgar shaxs sifatida To'lqin Qilichev yurtimizda qoladi va bokschilarimiz bilan o'quv-yig'in mashg'ulotini olib boradi. SHu sababli Qilichev Jahon chempionatiga bormaydi».