To'lqin Qilichev: “O'zbekiston boks maktabining murabbiyi ekanimdan xursandman”

Tantanali marosimda boks bo'yicha terma jamoa murabbiyi To'lqin Qilichevga so'zga chiqib:

“O'zbekiston boks maktabi murabbiyi, Bahodir Jalolovning murabbiyi ekanligimdan faxrlanaman. SHogirdimiz Bahodirning Olimpiada chempionligigacha bo'lgan jarayon: uning ortida turgan mashaqqat, sizning g'amxo'rligingiz, pandemiya bo'lishiga qaramay hamma shariotni yaratib berganingiz va alohida ta`kidlab o'tishim zarur, Bahodirga bergan ruhiy daldangiz, uni sizga bergan va`dasi Olimpiada oltin medaliga etaklab bordi. 

Bahodirning vazni bugungi kunda eng ommabop, tomoshabop vazn hisoblanadi. Bu vaznda nafaqat O'zbekiston, balki Osiyo tarixidagi ilk chempion ham o'zbek o'g'loni bo'ldi. Prezidentga chin ko'ngildan va`da bersak oltin medallar olib kelyapmiz. SHuning uchun jamoamiz bilan yosh iqtidorlarni tayyorlab Parij Olimpiadasida bundan yaxshi natijlarni qayd etishga va`da beramiz”, - dedi To'lqin Qilichev nutqida.