To'lqin Qilichev O'zbekiston va Qozog'istonning boksdagi munosabatlari haqida gapirdi

"Biz Qozog'iston jamoasi bilan juda ham yaqinmiz. Bir-birimizga g'ayg'uramiz, hayotiy masalalar bo'lsa bir-birimizdan so'raymiz, telefon orqali muloqot qilamiz. Men qozog'istonlik yigitlar bilan birga katta bo'lganman. Erdos Janberganov - jahon chempioni. Biz bir xonada yashab, birga o'qib, birga non-tuz eb katta bo'lgan bollarmiz. Baxit Sarsekbaev, Ernik Janiberganov, Dmitriy Sredov bor, yana ko'pchilikni aytsam bo'ladi. Ular bilan CHirchiqda birga katta bo'lganmiz. Qozog'istonlik barcha murabbiylar bilan ham juda yaqinmiz. Mirzagali Aytjanovni aytishim mumkin. Ular bilan bordi-keldimiz bor. SHunaqa qadrdon bo'lib ketganmiz. Marat Jakiev, bosh murabbiy Qayrat, umuman hammasi bilan yaxshimiz. 

Bizning yigitlar Qozog'iston nomidan jang qilsa yoki Qozog'iston farzandi bizni nomimizdan chiqsa, biz bundan faxrlanamiz, Qozog'istondan kelgan bolani biz chempion qildik deb. Biz bitta elmiz. Qozog'iston va O'zbekiston xaritaga qaraganda bor. Lekin tarixni bilasiz, hech qachon u yoki bu degan narsa bo'lmagan. Bitta el bo'lganmiz – turkiy eli. Bir-birimizni qiyin vaqtda ham qo'llab-quvvatlaganmiz. Qozog'iston farzandi chempion bo'lsa ham xursand bo'lganmiz. Elnur va Madiyar shu erda tug'ilib, bizning CHirchiq Olimpiya zaxirlari kollejiga o'qishga kirgan. Madiyar endi boksni boshlagan vaqtda bizni qo'limizga kelgan. Elnurni dadasi Nurgali aka boks bilan shug'ullangan, 7 karra mamlakat chempioni hisoblanadi. Elnurni o'zi tarbiyalab, o'smirlik yoshiga etganida bizning qo'limizga bergan. Hammasi qo'limizda katta bo'lgan bollar. Bizning Vatanimiz ko'p millatli mamlakat hisoblanadi. Bizga millatning hech qanday ahamiyati yo'q. Bizda shogird va O'zbekiston bayrog'i bor. SHuni o'zi katta yutuq. Biz shu bolalarni kuchli bokschi qilib tarbiyalay olsak, juda ham xursand bo'lamiz", - dedi To'lqin Qilichev.