Tomas Bax Xalqaro Olimpiya qo'mitasi prezidentligiga qayta saylandi

Takidlash joiz, 12 martgacha davom etadigan ushbu Sessiyaning asosiy maqsadi XOQ prezidentini saylash edi.

Ahamiyatlisi, ushbu lavozimga 8 yildan beri tashkilotni boshqarib kelayotgan Tomas Baxning o'zi yagona nomzod bo'lib turgan edi. Tadbir avvalida XOQ rahbari ortda qolgan davr oralig'ida qilingan ishlar, Tokio-2020 va boshqa Olimpiya o'yinlariga olib borilayotgan tayyorgarlik rejalari haqida maruza qildi. Onlayn o'tgan tadbirda XOQ rahbariyati, Ijroiya qo'mitasi azolari va tashkilotning barcha vakillari, Xalqaro federaciya va associaciyalar rahbarlari, sport jamoatchiligi kuzatib bordi.

“Ortda qolgan davr ichida biz bir jamoa bo'lib juda katta ishlarni amalga oshirdik. Olimpiya harakati, Olimpiya birdamligi butun dunyoda yanada ommalashdi. Ayniqsa, Rio-2016 Olimpiya o'yinlarida qochoq sportchilarning ishtiroki bu sport tarixidagi eng ahamiyatli voqelik bo'ldi. Kelajakda bu va boshqa bir qator loyihalarni birgalikda amalga oshirishdan umidvorman”, – dedi Tomas Bax.

XOQ rahbari maruza davomida kelgusi Olimpiya o'yinlarida musobaqalar byudjetini ixchamlashtirish, Parij-2024 Olimpiadasidan boshlab unda ishtirok etuvchi ayol sportchilar sonini erkaklarniki bilan bir xil darajaga olib chiqish va bu bilan gender tenglikni taminlash, Tokio Olimpiadasini xavfsiz tarzda o'tkazish kabi rejalari haqida aytib o'tdi. Anjuman davomida XOQ rahbariyatining boshqa vakillari va tashkilot azolari Tomas Baxning maruzasi haqida o'z fikrlarini bildirishdi.

SHundan so'ng XOQ prezidentligi uchun ovoz berish jarayoni bo'lib o'tdi. Unda Tomas Bax nomzodi maqullandi (faqatgina 1 qarshi ovoz) va XOQning amaldagi rahbari kelgusi 4 yil davomida ham tashkilotni boshqarib boradigan bo'ldi.