Toni Fergyuson Xabib Nurmagomedovning maslahatiga keskin javob berdi

Sobiq UFC chempioni Xabib Nurmagomedov mag'lubiyatlari ketidan obro'si tushib borayotgan amerikalik aralash yakkakurash ustasiga faoliyatini yakunlash, yoshlarga yo'l bo'shatish kerakligini maslahat bergandi. 

"Jin ursin, nimalar deyapsan? U 40 yoshida ham muammolarsiz vazn qila olayotgan jangchiga shu maslahatni beryaptimi? O'zingga o'xshagan semizlarga berasan bu maslahatingni", - dedi amerikalik 40 yoshli Toni. 

Eslatib o'tamiz, Fergyuson 4 avgust tongida vatandoshi Maykl Kesega imkoniyatni boy berib qo'ygandi. Maykl nomdor raqibini bo'g'ib qo'ygandi. O'sha jangdan keyin Toni Fergyuson qo'lqoplaridan bittasini oktagonda qoldirib, keyingi faoliyatini davom ettirish yoki yakunlashi haqida o'ylab ko'rishini aytgandi.