Topuriya oktagonga qaytishga tayyor emas!

Murabbiy UFC`ning ikki vazn toifasidagi sobiq chempioni oktagonga qaytishga tayyorligi haqidagi malumotni rad etdi. Avvalroq bu haqda liga rahbari Dana Uayt xabar berib, "El Matador"ning ehtimoliy raqiblari sifatida Jastin Getji va Peddi Pimblettni tilga olgan edi.

"Men uchun bu yangilik. Dana nimani nazarda tutayotganini va qanday malumotlarga tayanib bunday bayonotlar berayotganini bilmayman. Hozir biz mashg'ulotlarni boshlash va asta-sekin to'liq mashg'ulot lageriga qaytishga etibor qaratganmiz. Ayni damda oktagonga qaytish bizning asosiy vazifamiz emas.

Ochiqchasiga aytganda, Iliya haqiqatan ham juda yaxshi tiklanmoqda, ammo biz hali to'liq mashg'ulot lagerini boshlaganimiz yo'q. Qolaversa, biz hali MMA bo'yicha mashg'ulotlarni ham chinakamiga boshlamadik", — dedi ispaniyalik mutaxassis Xorxe Ebroga bergan intervyusida.

Avvalroq Topuriyaning menejeri Malki Kava ular Pimblett bilan jang qilishdan manfaatdor emasliklarini va faqat joriy yilning iyun oyida birlashtiruvchi jangda muddatidan oldin mag'lub bo'lgan Getji bilan zudlik bilan revansh o'tkazishni kutayotganliklarini malum qilgan edi.