To'rt karra jahon chempioni 39 yoshida olamdan o'tdi

Velopoygachining o'limiga nima sabab bo'lgani hozircha malum qilinmayapti.

"Stiven velotrek sport turida asosiy figuralardan biri edi, ayniqsa, o'zi tug'ilib o'sgan Yangi janubiy Uelsda. Bunday og'ir paytda Vuldridjning yaqinlari va oila azolariga hamdardlik bildiramiz", deyiladi shtat velosipedchilar ittifoqi bayonotida.

2004 yilgi Olimpiada o'yinlarida Stiven Vuldridj jamoaviy bahslarda oltin medalga sazovor bo'lgandi. Bundan tashqari, avstraliyalik sportchi ushbu yo'nalishda 4 karra jahon chempioni ham hisoblanadi (2002, 2003, 2004, 2006). U professional faoliyatini 2007 yilda yakunlagan edi.