To'rt rossiyalik PFL Ligasi chempioniga aylandi

Ushbu oqshom doirasida to'rt nafar rossiyalik aralash yakkakurash ustasi PFL chempionlik kamarini qo'lga kiritdi. Og'ir vazn toifasi vakili Denis Golcov vatandoshi Oleg Popovni ilk raunddayoq uchburchak usulida bo'g'ib qo'ydi. Yarimo'rta vazn jangchisi SHamil Musaev esa yana bir rossiyalik sportchi Magomed Umalatovni uchinchi raundda texnik nokautga uchratdi.

Gadji Rabadanov engil vaznda PFL chempioniga aylandi. U uchinchi raundda amerikalik Brent Primusni nokaut evaziga taslim etdi. Timur Xizriev esa oqshomning markaziy jangida hakamlarning yakdil qarori evaziga britaniyalik Brendan Loxneyndan ustun keldi va yarimengil vaznda Gran-pri sovrinini qo'lga kiritdi. 

Yarimog'ir vaznda PFL chempionligi turkmanistonlik Dovletjan Yagshimuradovga nasib etdi. U 58 soniyada amerikalik Imp Kasanganayni nokautga uchratdi. Mag'lubiyat nimaligini bilmay kelayotgan britakniyalik Dakota Ditchev ayollar o'ta engil vazn chempioni bo'ldi. U ikkinchi raundda kamar uchun UFC kamariga sobiq davogar braziliyalik Taila Santosni nokaut qildi.

Barcha chempionlar kamar bilan birga gonorar sifatida bir million dollarlik chekni ham qo'lga kiritishdi.