24 mar 18:53
Yangiliklar

Velosport

Toshkent - CHimkent velomarafoni bo'lib o'tdi

Teglar : Velosport

Xabaringiz bor, 2018 yil Qozog'iston Respublikasida "O'zbekiston yili" deb elon qilingan. Do'stlik va hamkorlik aloqalarini yanada rivojlantirish maqsadida ikki mamlakat o'rtasida turli tadbirlar, shu jumladan, sport musobaqalari tashkil qilish rejalashtirilgan.

Bugun, 24 mart kuni ana shunday musobaqalardan biri start oldi. O'zbekiston Milliy olimpiya qo'mitasi ko'magida havaskorlar o'rtasida velopoyga tashkil etildi.

Turnir starti bugun Qozog'iston Respublikasining O'zbekistondagi elchixonasining yangi binosida tashkil qilindi. Tadbirda O'zbekiston Jismoniy tarbiya va sport vaziri SHoakram Isroilov, uning o'rinbosari Oybek Kasimov, MOQ Bosh kotibi Jasur Matchanov, O'zbekiston velosiped sporti federaciyasi raisining birinchi o'rinbosari Kozim O'rinboyxo'jaev, shuningdek, Qozog'iston Respublikasining favqulotda va muxtor elchisi Erik Utembaev, Janubiy Qozog'iston viloyati hokimi o'rinbosari Erbol Sadir, CHimkent shahri hokimi Qayrat Nurtay, Qozog'iston velosport federaciyasining birinchi vice-prezidenti Rayimbek Batalov va OAV xodimlari ishtirok etishdi.

Tadbirning badiiy qismidan so'ng janob elchi Erik Utembaev, vazir SHoakram Isroilov hamda Toshkent shahri hokimi o'rinbosari Nozim Husanovlar barcha ishtirokchilarni bayram bilan tabriklagan holda, ularga marafonda omad tiladi.

Soat 10:00da start olgan velopoygada Qozog'istondan 114, O'zbekistondan esa 40 nafar havaskor sportchilar ishtirok etishdi. Yo'nalishning umumiy masofasi 130 km ni tashkil etdi.

Bundan bir necha daqiqa oldin marafon ishtirokchilari CHimkent shahriga etib borishdi.