Toshkent Gran-prisi. Bobonov g'alaba bilan boshladi, To'raboev ham keyingi bosqichda

Erkaklar o'rtasidagi -90 kg vazn toifasida yurtimiz sharafini himoya qilayotgan Davlat Bobonov ikkinchi davradan bahslarga qo'shildi. U bu bosqichda kanadalik Zakari Bartni mag'lubiyatga uchratdi. Uning chorak final ostonasidagi raqibi yaponiyalik Mashu Baker bo'ladi.    

Ushbu vazn toifasidagi yana bir vakilimiz Muzaffarbek To'raboev ham ikkinchi davradan kurashga kirishdi va ozarbayjonlik Aliumar Tumaevni taslim etdi. Birozdan so'ng Muzaffarbek chorak final chiptasi uchun qirg'izistonlik Erlan SHerovga qarshi tatamiga chiqadi. Erlan ancha kuchli hisoblangan tojikistonlik Komronshoh Ustopiriyonni engishga muvaffaq bo'ldi.