Toshkent mahallalarining eng kuchli tennis va badmintonchilari aniqlandi FOTOGALEREYA

Musobaqada mahallalararo va tuman bosqichida g'olib bo'lgan 11 ta tumanning sportchi yoshlari ishtirok etishdi. Sportning badminton turi bo'yicha “Mahallamiz badmintonchilari” musobaqasi yakuniga ko'ra 13-14 yoshli o'g'il bolalar o'rtasida faxrli I-o'rinni Mirobod tumani “Inoqobod” mahallasidan Borisov Artyom, 2-o'rinni Yunusobod tumani “SHayx SHivli” mahallasidan SHomurodov Bobur, 3-o'rinni Uchtepa tumani “Nayman” mahallasidan Rahimberdiev Navro'zbek egalladi.

13-14 yoshli qiz bolalar o'rtasida faxrli I-o'rinni Mirobod tumani “Tong-Yulduzi” mahallasidan Isoqova Sevara, 2-o'rinni Yunusobod tumani “SHayx shivli” mahallasidan Egamberdieva Komila, 3-o'rinni esa SHayhontoxur tumani “Beltepa” mahallasidan Ahmadjonova Farangiz band etdi.

Mahallamiz stol-tennischilari musobaqasi yakuniga ko'ra 11-12 yoshli o'g'il bolalar o'rtasida g'oliblik CHilonzor tumani “Nafosat” mahallasidan Xudoyorov Nodirbekka nasib etdi. Yunusobod tumani “SHayx SHivli” mahallasidan SHomurodov Amirxon ikkinchi o'rinni egallagan bo'lsa, kuchli uchlikka Sergeli tumani “Navqiron” mahallasi ishtirokchisi To'laganov Rixsitilla yakun yasadi. 

Qiz bolalar o'rtasida faxrli I-o'rinni CHilonzor tumani “3-CHarx Kamolon” mahallasidan Qahramonjonova Lola, 2-o'rinni Bektemir tumani “Oltintopgan” mahallasi ishtirokchisi Nazarova SHirina va 3-pog'onani Yakkasaroy tumani “Muxandislar” mahallasi ishtirokchisi Yugina Ekaterinalar egallashdi. 

Musobaqa g'oliblari hamda ishtirokchilari Fuqarolarning o'zini o'zi boshqarish organlari faoliyatini muvofiqlashtirish bo'yicha Toshkent shahar kengashi hamda Toshkent shahar Kasaba uyushmasining esdalik sovg'alari va diplomlari bilan taqdirlandilar.

Suratlar muallifi - Alimurod Mamadaminov